Səlcuq Bayraktar yeni PUA modelinin adını açıqlayıb – FOTO
“Baykar Savunma”nın texniki direktoru Səlcuq Bayraktar “Bayraktar” pilotsuz uçuş aparatının (PUA) yeni modelinin adını açıqlayıb və maketinin şəklini nümayiş etdirib.
1news.az-ın verdiyi xəbərə görə, bu barədə o, Twitter səhifəsində paylaşım edib.
“İstehsal xəttinə 3 il yarımdan sonra daha böyük və çevik balıq girdi. PDUS – Pilotsuz Döyüş Uçuş Sistemi: “Bayraktar Kızılelma”. Yoldadır, gəlir. İzləmədə qalın”, - vurğulayıb.
Qeyd edək ki, “Qızıl alma” - qədim türk mifologiyasına görə, türkçülüyün simvollarından biridir. Türklər, xüsusən də Oğuz türkləri üçün düşündükcə uzaqlaşan, uzaqlaşdıqca cazibəsi artan idealogiyasını simvolizə edən ifadədir.
Türk millətçiliyinin mühüm simvollarından biri olan “Qızıl alma” türk dövlətləri üçün məqsəd və məramı simvollaşdırır. O, çatacaq yer, fəth ediləcək bir şəhər, bəzən dövlət qurmaq idealogiyasını, bəzən dünya hökmranlığı idealogiyasını, bəzən də Türk birliyi idealogiyası anlamını ifadə edir.
“Qızıl alma” idealogiyası xüsusilə əsgərlərin döyüş əzmini yüksək tutmaq üçün istifadə edilib. Hun, Göktürk və Səlcuq dövlətləri ənənələrində çox aktiv motiv kimi görünür.
“Qızıl alma” idealogiyası İstanbulun fəthindən sonra əsgərlər arasında geniş yayılır. Osmanlılar Avropada fəth etmək istədikləri mühüm şəhərləri “Qızıl alma” adlandırırdı.
Üretim hattına 3 buçuk yıl sonra daha büyük ve daha çevik bir balık girdi. 🦈
MİUS - İnsansız Savaş Uçağı:
Bayraktar KIZILELMA 🍎
Yolda geliyor, takipte kalın...#MilliTeknolojiHamlesi ✈️🚀🍎🇹🇷 https://t.co/Jh9Nhxa0MG pic.twitter.com/nwUBXVyTWT — Selçuk Bayraktar (@Selcuk) March 12, 2022
Mövzu ilə əlaqədar oxuyun:
Dünya fəlakətin astanasında: Bakı və Ankara üçüncü dünya müharibəsinin qarşısını almaq üçün səylərini əsirgəmir
Azərbaycandan Ukraynaya növbəti humanitar yardım göndərilib - FOTO - VİDEO - YENİLƏNİB
