Sahibə Qafarova İordaniya Haşimilər Krallığı Nümayəndələr Palatasının və Senatının spikerləri ilə görüşüb | 1news.az | Xəbərlər
Siyasət

Sahibə Qafarova İordaniya Haşimilər Krallığı Nümayəndələr Palatasının və Senatının spikerləri ilə görüşüb

Qafar Ağayev16:37 - 01 / 07 / 2022
Sahibə Qafarova İordaniya Haşimilər Krallığı Nümayəndələr Palatasının və Senatının spikerləri ilə görüşüb

İyulun 1-də Milli Məclisin sədri Sahibə Qafarova İordaniya Haşimilər Krallığının Nümayəndələr Palatasının sədri Əbdülkərim Feysəl Deyfullah əd-Duğmi və Senatın sədri Feysəl Akif əl-Fayez ilə görüşüb.

1news.az xəbər verir ki, Milli Məclisin sədri qonaqları salamlayaraq, Qoşulmama Hərəkatı Parlament Şəbəkəsinin Bakı Konfransında iştirak etdiklərinə görə onlara təşəkkürünü bildirib.

Sahibə Qafarova Qoşulmama Hərəkatının Parlament Şəbəkəsinin Bakı Konfransında İordaniyanın iştirakının və konfrans çərçivəsində aparılan müzakirələrin əhəmiyyətini qeyd edib. Milli Məclisin sədri Azərbaycan Prezidenti İlham Əliyevin Konfransın açılışında söylədiyi nitqin mühüm əhəmiyyətindən danışıb. Qeyd edib ki, Prezidentimizin dünyada baş verən proseslərdə Qoşulmama Hərəkatının rolu, bir çox aktual məsələlər barədə səsləndirdiyi fikirlər təşkilatın fəaliyyət istiqamətlərinin müəyyənləşməsi baxımından mühüm əhəmiyyət kəsb edir.

Sahibə Qafarova qonaqlara Azərbaycanın Vətən müharibəsində əldə etdiyi tarixi Zəfər, hazırda işğaldan azad olunan ərazilərimizdə aparılan bərpa və quruculuq işləri barədə məlumat verib. Söhbət zamanı spiker Azərbaycanın sülhün və sabitliyin tərəfdarı olduğunu vurğulayıb və tezliklə Ermənistanla sülh müqaviləsi imzalanacağına inamını ifadə edib.

Milli Məclisin spikeri bildirib ki, dövlətlərimiz arasında münasibətlərin inkişafında parlamentlərarası əlaqələrin xüsusi rolu var. Təqdirəlayiq haldır ki, hər iki ölkənin qanunvericilik orqanlarında parlamentlərarası əlaqələr üzrə dostluq qrupları fəaliyyət göstərir.

İordaniya Haşimilər Krallığının Nümayəndələr Palatasının sədri Əbdülkərim Feysəl Deyfullah əd-Duğmi və Senatın sədri Feysəl Akif əl-Fayez səmimi görüşə və qonaqpərvərliyə görə təşəkkürlərini ifadə ediblər. Qonaqlar Qoşulmama Hərəkatı Parlament Şəbəkəsinin Bakı Konfransında iştiraklarından məmnunluqlarını bildiriblər. Konfransın yüksək səviyyədə təşkil olunduğunu söyləyiblər.

Spikerlər Azərbaycanın Qoşulmama Hərəkatında əhəmiyyətli rolunu vurğulayıblar. Qonaqlar ölkəmizin Qoşulmama Hərəkatının Parlament Şəbəkəsinin yaradılması ilə bağlı təşəbbüsünün və Bakı Konfransı çərçivəsində müzakirə olunan məsələlərin vacibliyindən danışıblar.

Spikerlər İordaniyanın Azərbaycanla əlaqələrin inkişafında maraqlı olduğunu qeyd ediblər, dövlətlərarası əlaqələrin möhkəmlənməsində İordaniya Kralı ilə Azərbaycan Prezidenti arasındakı dostluq münasibətlərinin rolunu vurğulayıblar.

Söhbətdə tərəflər regional münaqişələrin törətdikləri fəsadların aradan qaldırılması, qaçqın və miqrasiya problemlərinin həlli yolları və digər qarşılıqlı maraq doğuran məsələlər barədə fikirlərini bölüşüblər.

Paylaş:
170

Son xəbərlər

Gənclər fondunun BMT və16 / 08 / 2022, 22:17Avstraliyadakı icmamız erməni lobbiçilərinin qeyri-qanuni hərəkətlərinə etiraz edib16 / 08 / 2022, 17:52İran hərbi nümayəndə heyətinin azad edilmiş ərazilərə səfəri təşkil olunub - FOTO16 / 08 / 2022, 17:42İstehlaka yararsız dondurma məhsulları məhv edilib16 / 08 / 2022, 17:37Nəsimi rayonunda Mirəsədulla Mirqasımov küçəsinin təmiri yekunlaşıb - FOTO - VİDEO16 / 08 / 2022, 17:36Futbol üzrə Azərbayan millisi V İslam Həmrəyliyi Oyunlarında üçüncü olub16 / 08 / 2022, 17:22“Snayper həddi” müsabiqəsində sınaq atışları yerinə yetirilib - FOTO16 / 08 / 2022, 17:05Bakı Limanı vasitəsilə daşınan quru yükün həcmində 15,7 % artım var16 / 08 / 2022, 16:52MSK Katibliyinin yeni strukturu təsdiqlənib16 / 08 / 2022, 16:37Azərbaycanla 81 seçki dairəsinin sərhədləri müəyyənləşib16 / 08 / 2022, 16:32Deputat: “Ermənilər bununla özlərinin müasir xalq yox, vəhşi qəbilə olduğunu göstərirlər” - VİDEO16 / 08 / 2022, 16:12IV ixtisas qrupunda 511 nəfər 600-dən yuxarı bal toplayıb16 / 08 / 2022, 16:09Azərbaycan Prezidenti Almaniyanın yeni təyin olunan səfirinin etimadnaməsini qəbul edib - FOTO16 / 08 / 2022, 16:04Prokurorluq ermənilərin Laçın və Xocalıda törətdiyi yanğınlarla bağlı cinayət işi başlatdı16 / 08 / 2022, 15:49150-200 bal toplayanların seçə biləcəkləri ixtisaslar açıqlanıb16 / 08 / 2022, 15:44Ağdam şəhərinin Baş planı təsdiqlənib16 / 08 / 2022, 15:41II qrupda 150-dən çox bal toplayanların hamısı ali məktəbə qəbul olunacaq16 / 08 / 2022, 15:39“İşğaldan azad edilmiş ərazilərin Ümumi planı”nı təsdiqlənib16 / 08 / 2022, 15:36Sumqayıt bulvarında özünü dənizə atan şəxs xilas edilib16 / 08 / 2022, 15:32Məleykə Abbaszadə: “300 baldan yuxarı nəticə göstərmiş hər bir abituriyent dövlət sifarişli yerləri yaza bilər”16 / 08 / 2022, 15:26
Bütün xəbərlər

Next TV