İstanbulda taxıl koordinasiya mərkəzinin açılışı - Hulusi Akardan mühüm açıqlamalar

Ukraynanın Qaradəniz limanlarından qlobal bazara taxıl daşımaları üçün İstanbulda yaradılmış Birgə Kordinasiya Mərkəzi bu gün açılıb.

1news.az cnntürk-ə istinadən xəbər verir ki, Türkiyə, Rusiya, Ukrayna və Birləşmiş Millətlər Təşkilatının rəsmilərinin daxil olacağı Birgə Kordinasiya Mərkəzi fəaliyyətə başlayır. Milli Müdafiə Universitetinin tərkibində yaradılan mərkəzin açılışını Milli müdafiə naziri Hulusi Akar həyata keçirib.
Beynəlxalq “ Taxıl Masası ”- nın mərkəzi MilliMüdafiə Universitetinin İstanbuldakı mərkəzi olacaq. Komandaya bütün partiyalardan 20 nəfər daxil olacaq. Rusiya və Ukrayna rəsmilərinin yalnız ehtiyyac olduğu halda bir araya gələrək, ayrı – ayrı otaqlarda işlərinə davam edəcəkləri öyrənilib.
Nazir Akarın açıqlamalarından başlıqlar belədir:
“ Bir çox görüşlər keçirildi, bu görüşlərdə qırmızı xəttin formalaşdırılması qərara qlındı. İntensiv təmaslar aparıldı. Bu təmaslar nəticəsində ilk dəfə olaraq dördtərəfli görüş keçirildi və ümumi prinsiplər razılaşdırıldı. Bəzi ölkələrin fərqli yanaşmalarına baxmayaraq, 22 iyulda imzalanan sazişlə nəticələndi. Birgə Kordinasiya Mərkəzi 23 iyuldan etibarən fəaliyyətə başlamışdır. Mərkəz hərbi və mülki olmaqla Türkiyə ilə birlikdə Rusiya, Unrayna və BMT- dən 5 nümayəndədən ibarətdir. Bu mərkəzlə bağlı sahədə heç bir hərbi element yoxdur. Bu mərkəz ticarət gəmilərini qeydiyyatdan keçirəcək və izləyəcək. Əgər mina təmizləmə işinə ehtiyyac olarsa, planlama aparılacaq və müvafiq tədbirlər görüləcək. Sənəd 120 gün qüvvədə olacaq və tərəflər sonlandırma tələb etmədikcə davam edəcək. Ukrayna limanını ilk tərk edəcək taxıl yüklü gəmilərin hazırlanması və planlaşdırılması davam edir. İnanırıq ki, tədqiqatlar bütün dünyanı təsir edən ərzaq böhranının aradan qaldırılmasına və qiymətlərin aşağı salınmasına mühüm töhfələr verəcək. Ona görə də mərkəzdə işləyən əməkdaşların üzərinə düşən vəzifələr həqiqətən də böyükdür. Siz tarixi, humanitar və mühüm bir missiyanı üzərinizə götürmüsünüz. Barışığın həyata keçirilməsi ən böyük arzumuzdur. Əslində, müqavilə imzalanandan növbəti gün bütün tərəflərin öz nümayəndələrini buraya işləməyə göndərməsi səmimi addım idi. Hörmətli iştirakçılar, biz hər fürsətdə sülhün, əmin-amanlığın tərəfdarı olduğumuzu ifadə etmişik və bildiririk. Cənab Prezident diplomatik proses üçün çox səy göstərdi. Biz ən qısa zamanda atəşkəsə nail olmağı və gərginliyi azaltmağı hədəfləyirik. Biz Türkiyə olaraq NATO-da üzərimizə düşən vəzifələri yerinə yetirmişik və yerinə yetirməyə də davam edəcəyik”.

Humay Əliyeva