Ermənistan silahlı qüvvələri mövqelərimizi atəşə tutmaqda davam edir

Ermənistan silahlı qüvvələrinin bölmələri D-30, D-20 topları və 82 millimetrlik minaatanlardan da istifadə etməklə Azərbaycan Ordusunun Kəlbəcər, Laçın və Daşkəsən rayonları istiqamətlərində yerləşən mövqelərini atəşə tutmaqda davam edir.

Müdafiə Nazirliyindən 1news.az-a verilən məlumata görə, bölmələrimiz tərəfindən cavab tədbirləri görülür və qarşı tərəfin atəş məntəqələri məhv edilir.

Əməliyyat şəraiti ordumuzun nəzarətindədir.