Deputat: “Dövlət vətəndaşların rifahının daha da yüksəldilməsi üçün davamlı olaraq işlər görür”
"Qeyd olunan statistikalar rəqəmlər Azərbaycanda iqtisadiyyatın sabitliyin təmin oldunduğunu, həmçinin əhalinin sosial-müdafiə sahəsidə irəliləyişin müşahidə oldunduğunu göstərir".
Bu sözləri Milli Məclisin deputatı Ceyhun Məmmədov 1news.az-a açıqlamasında deyib:
"Əgər iqtisadi sabitlik olmasa, ölkə iqtisadiyyatı inkişaf etməsə əlbəttə ki bu məbləğlərin artımı müşahidə olunmazdı. Bu onu göstərir ki, dövlət keçən il bu sahədə də uğurlu siyasəti həyata keçiməyə müvəffəq olub. Burada digər vacib bir məqam isə dövlətin vətəndaşların rifahının artırılmasına, gücləndirilməsinə böyük bir dəstəyi var və dövlət bu istiqamətdə vətəndaş üçün müvafiq addımları atır. Dövlət vətəndaşların rifahını düşünür və vətəndaşların rifahlarının daha da yüksəlməsi üçün davamlı olaraq müxtəlif addımları atır".
Deputat həmçinin bildirib ki, vətəndaşın sosial rifahının artırılması dövlətin siyasətində əsas prioritetlərdən biridir:
"Biz hər il dövlətin vətəndaşların qeydinə qaldığını görür və eyni zamanda davamlı istiqamətdə bu sahədə addımların atıldığını da görürük. Bu həm də vətəndaşın dövlətdən məmnunluğuna da ciddi təsir edə biləcək amillərdən biridir. Əlbəttə ki, bu siyasət növbəti ildə də davam etdiriləcək. Dövlət bu sahəyə öz diqqətini və qayğısını hər il artıracaq".
