Çavuşoğlu: “Ermənistanla Türkiyə arasında tarixi İpək yolu körpüsünün bərpası haqda düşünürük”
“Ararat Mirzoyanla normallaşma məsələsində hansı addımları ata biləcəyimizi danışdıq”.
1news.az xəbər verir ki, bunu Türkiyənin xarici işlər naziri Mövlud Çavuşoğlu erməni həmkarı Ararat Mirzoyanla mətbuat konfransı zamanı deyib.
“Bunlardan bir də Ermənistanla Türkiyə arasında tarixi İpək yolu körpüsünün bərpasıdır. Bundan başqa, sərhəd-buraxılış məntəqəsinə aparan yolların bərpası ilə bağlı addımlar atmağı düşünürük”, - Türkiyə XİN rəhbəri vurğulayıb.
Qeyd edək ki, hazırda Ermənistan xarici işlər naziri Ararat Mirzoyan və Türkiyə xarici işlər naziri Mövlud Çavuşoğlu Ankarada təkbətək görüş keçirir.
Daha sonra Ermənistan XİN başçısı Ararat Mirzoyan zəlzələdən ən çox zərər görmüş və ermənistanlı axtarış-xilasetmə qrupunun üzvlərinin fəaliyyət göstərdiyi Adıyaman vilayətinə gedəcək.
APA
