Ölümüzə Quranı pulla oxutdurmalıyıq? - “Yasin” surəsində deyilir ki, ...” - İlahiyyatçılardan ŞƏRH | 1news.az | Xəbərlər
Müsahibə

Ölümüzə Quranı pulla oxutdurmalıyıq? - “Yasin” surəsində deyilir ki, ...” - İlahiyyatçılardan ŞƏRH

Ayşən İsmayılova15:15 - 20 / 02 / 2023
Ölümüzə Quranı pulla oxutdurmalıyıq? - “Yasin” surəsində deyilir ki, ...” - İlahiyyatçılardan ŞƏRH

Mirzə Ələkbər Sabir, Ə.Haqverdiyev, C. Məmmədquluzadə kimi Azərbaycan ədəbiyyatının bir çox görkəmli nümayəndələrinin əsərlərinə qonaq olan, lakin heç cür çıxıb getmək bilməyən “molla əmi”lər həm dirilərin, həm də ölülərin həyatında öz yerlərini hələ də qoruyub saxlayıblar.

Aha, səs salma, ölən var, deyəsən!
Gedəsən yağlı plovdan yeyəsən.
Sən yetim fikri nə cür cəmləyəsən?!
Buğlanır yağlı qazan, molla əmi.
Nə şəriət, nə Quran, molla əmi?!

Düz olan düzdə qalıbdır, ay ağa,
Bəxt açıb, cadu elə, get qabağa,
Fars dilində yaz "anekdot" varağa.
Əşi, kimdir baş açan, molla əmi?!
Nə şəriət, nə Quran, molla əmi?!

Qəbiristanlıqlarda ölən insanlar üçün pulla dua oxuyan, hətta bunun üçün bir-biri ilə dava edən kifayət qədər mollalara rast gəlmək mümkündür. Bəs pul verib Quran oxutdurmaq düzgündürmü? Quranı qazanc mənbəyinə çevirmək nə dərəcədə doğrudur?

Məsələ ilə bağlı 1news.az-a fikir bildirən ilahiyyatçı Hacı Şahin Həsənli mollaya Quran oxutdurmağın vacib bir əməl olmadığını söyləyib.

“Yaxşısı odur ki, dünyadan köçən yaxınları üçün insan özü Quran oxusun və Quranın savabını dünyadan köçən insanlara hədiyyə etsin. Bu ehsan adlanır. Ehsan təkcə yemək verməklə deyil, həm də istənilən bir yaxşı əməli edib onu dünyadan köçmüş insanlara hədiyyə etməkdir. Amma Quran oxumaq vacib bir əməl olmadığından onu özümüz yox, başqası oxuyursa, dinimiz həmin insana oxuduğunun qarşılığı olaraq hədiyyə kimi nə isə verməyi qadağan etmir. Ancaq diqqət edilməli məsələlərdən biri budur ki, qəbiristanlıqda din xadimi kimi tanınan insanlar nə dərəcədə doğru-düzgün Quran oxuya bilirlər? Ümumiyyətlə bu barədə gərək inandığımız şəxslərə müraciət edək. Bu prosesə heç kəs nəzarət etmir. Çünki müvafiq qurumlar ancaq ibadət yerlərində fəaliyyət göstərən din xadimlərini təyin edirlər, onların attestasiyasını həyata keçirirlər. Yəni belə insanların nə dərəcədə doğru-düzgün Quran oxuması məlum deyil.

Ümumiyyətlə insan dini gəlir vasitəsinə çevirməməlidir. Bir daha qeyd edirəm ki, insana oxuduğu attestasiyanın qarşılığında nə isə verilirsə, bu günah deyil. Amma bu bir adət halını alırsa, insan öz güzəranını yalnız din vasitəsilə təmin edirsə, dinimiz bu şəkildə yaşamağı bəyənmir. Allahın kitabına sırf qazanc mənbəyi kimi baxmaq kökündən yanlışdır.

Hər gələn insanı bir müştəri kimi görmək, həmin insanların uğrunda rəqabət aparmaq dinimizə də kölgə salır. Çünki bütün bunlar İslam əxlaqına yaraşmayan hərəkətlərdir.

Yaxşı olar ki, insanlar dini istiqamətdə maariflənsinlər. Əgər insan müsəlmandırsa, o qaydaları özü də mənimsəyə bilər, dünyadan köçmüş insanlara özü hansısa savab əməllərini hədiyyə edə bilər. Mən heç kəsə deyə bilmərəm ki, Quran oxutdurmayın. Amma bu məsələlərdə diqqətli olmaq lazımdır ki, bizim dinimizdən, imanımızdan kimsə sui-istifadə etməsin. Bu işləri səlahiyyəti olan insanlara həvalə etmək lazımdır”.

İlahiyyatçı Elşad Miri isə İslamda ölüyə Quran oxutdurmaq anlayışının olmadığını qeyd edib.

“Bizə o qədər ənənəvi, yanlış anlayışı gətirib din kimi təqdim ediblər ki, indi deyəndə qəribə gəlir. Baxın, İslamda ölüyə Quran oxutmaq yoxdur. İslamda din xadimi anlayışı yoxdur. Bunlar sonradan ortaya çıxarılmış dini iyerarxiyalardır. İslam dini yaşayanlar üçün nəzərdə tutulub, ölənlər üçün yox. Quranda “Yasin” surəsinin 70-ci ayəsində deyilir ki, Quran dirilər üçündür. Amma biz Quranı ölülərə oxuyuruq. Ölü bunu eşitmir. Eşitsə belə ərəb dilini bilmirsə, ona Quran oxumağın faydası varmı?

Allahın göndərdiyi dinə alternativ bir din formalaşdırıblar, adını “İslam” qoyublar. Həmin “İslam”da da din xadimlərini ortaya çıxarıblar və onlar heç bir yerdə işləmədən, ölüyə Quran oxuyaraq, ayinlər, rituallar, mərasimlər edərək bizneslə məşğul olurlar.

İnsanlar düşünsünlər. Təsəvvür edin ki, yol hərəkəti qaydasını pozan bir sürücü qəza törədir və ölür. Polisin sonradan gəlib yol hərəkəti qaydalarını ölmüş sürücüyə oxutmasının bir faydası var?”

Paylaş:
11716

Sizin üçün xəbərlər

Son xəbərlər

İlham Əliyev: İran Prezidentinin olduğu helikopterin qəza enişi barədə xəbər bizi ciddi narahat etdi19 / 05 / 2024, 21:12İran Prezidentinin olduğu helikopter qəzaya uğradı - YENİLƏNİB19 / 05 / 2024, 20:59“Xudafərin” hidroqovşağının istismara verilməsi və “Qız Qalası” hidroqovşağının açılış mərasimi keçirilir19 / 05 / 2024, 12:44Azərbaycan ilə İranın dövlət sərhədində İlham Əliyevin və İbrahim Rəisinin görüşü olub - FOTO19 / 05 / 2024, 12:32Mehriban Əliyeva Zəngilan səfəri ilə bağlı paylaşım edib18 / 05 / 2024, 18:04Qarabağ Universitetinin bukleti hazırlanıb18 / 05 / 2024, 17:47Prezident Cəbrayıl rayonunun Sarıcallı kəndinin təməlini qoyub18 / 05 / 2024, 17:30Prezident və birinci xanım Zəngilan məscidinin açılışında iştirak ediblər - YENİLƏNİB18 / 05 / 2024, 17:08“AzərEnerji ASC-nin “Zəngilan” və “Şayıflı” Su Elektrik stansiyaları istifadəyə verilib - YENİLƏNİB18 / 05 / 2024, 16:45İlham Əliyev Cəbrayıl rayonunun Maşanlı kəndinin təməlini qoyub - YENİLƏNİB18 / 05 / 2024, 16:29Prezident və birinci xanım Zəngilanda “Ağalı” hotelinin açılışında iştirak ediblər - YENİLƏNİB18 / 05 / 2024, 16:26İlham Əliyev Cəbrayıl rayonunun Böyük Mərcanlı kəndinin təməlini qoyub18 / 05 / 2024, 16:24Prezident Cəbrayılın Karxulu kəndinin təməlini qoyub - FOTO18 / 05 / 2024, 16:18Yağıntılı hava şəraiti davam edir - FAKTİKİ HAVA18 / 05 / 2024, 15:58Zəngilan şəhərinin daxili yol-kommunikasiya şəbəkəsinin təməli qoyulub18 / 05 / 2024, 15:39“Coca-Cola” Azərbaycanda ikinci istehsal müəssisəsini açacaq - FOTO18 / 05 / 2024, 15:11Dövlət başçısı Zəngilan rayonunun Mincivan qəsəbəsinin təməlini qoyub - YENİLƏNİB18 / 05 / 2024, 14:47Paytaxtın mərkəzi küçələrində “kokain” və “ekstazi” həblərinin satışını təşkil etmək istəyən şəxs saxlanılıb - VİDEO18 / 05 / 2024, 14:27Rəşad Nəbiyev Şəkidə vətəndaşları qəbul edib18 / 05 / 2024, 14:09İlham Əliyev Cəbrayıl rayonunun Böyük Mərcanlı, Karxulu və Sarıcallı kəndlərinin təməllərini qoyub18 / 05 / 2024, 13:43
Bütün xəbərlər