Bu ilin birinci rübündə dövlət qurumlarına qarşı xüsusi hədəflənmiş 314 kiberhücumun qarşısı alınıb

Cari ilin birinci rübündə Azərbaycan Respublikası Xüsusi Rabitə və İnformasiya Təhlükəsizliyi Dövlət Xidməti (XRİTDX) tərəfindən qeydə alınmış və dövlət qurumlarından daxil olmuş məlumatlar əsasında kiberhücumların analizi nəticəsində 314 kiberhücum indikatoru (IOC) müəyyən edilib, dövlət qurumlarına qarşı hazırlanmış xüsusi hədəflənmiş APT kiberhücumların qarşısı alınıb.

XRİTDX-nin mətbuat xidmətindən 1news.az-a bildiriblər ki, bu kibertəhdidlərin 139-u daxili araşdırma, 175-i isə dövlət qurumları tərəfindən daxil olmuş insidentlərin araşdırılması əsasında müəyyən edilib.