Elnur Əliyev: “Azərbaycanın Rəqəmsal İqtisadiyyat Strategiyası iki əsas təməl blok üzərində cəmləşəcək”
Azərbaycanın Rəqəmsal İqtisadiyyat Strategiyası iki əsas təməl blok üzərində cəmləşəcək.
1news.az “Report”a istinadən xəbər verir ki, bunu iqtisadiyyat nazirinin I müavini Elnur Əliyev Bakıda keçirilən “İnMerge İnnovasiya Sammiti”ndə bildirib.
"Bunlar, mövcud sektorların rəqəmsallaşdırılmasının sürətləndirilməsi və vətəndaşların rəqəmsal bacarıqlarının gücləndirilməsidir. 1-ci hədəf əsas iqtisadi sektorları rəqəmsallaşdırmaq üçün rəqəmsal texnologiyalardan istifadə etməyi, yeni rəqəmsal bizneslərdən dəyər qazanmağı nəzərdə tutur. Biz rəqəmsal tətbiqlər vasitəsilə dəyər yaradan yeni bizneslərin yaradılmasına diqqət yetirəcəyik. 2-ci hədəflə isə biz bütün yaş qruplarında rəqəmsal savadlılığı artırmaqla ümumu daxili məhsulun artımını sürətləndirməyi hədəfləyirik. Bu məqsədləri dəstəkləmək üçün biz rəqəmsallaşma vasitəsilə hökumət əməliyyatlarının səmərəliliyini artıracağıq. Bundan əlavə, biz ümummilli innovasiyalara sərmayə qoymağa sadiqik. Biz yeni texnologiyaların mənimsənilməsinin və qlobal inkişafı yaxından izləməyin vacibliyini dərk edirik", - deyə o qeyd edib.
