AZANS yeni rəqəmsal platformalarla bağlı “Aireon” şirkəti ilə müqavilə imzalayıb - FOTO | 1news.az | Xəbərlər
Cəmiyyət

AZANS yeni rəqəmsal platformalarla bağlı “Aireon” şirkəti ilə müqavilə imzalayıb - FOTO

Qafar Ağayev14:20 - 13 / 06 / 2024
AZANS yeni rəqəmsal platformalarla bağlı “Aireon” şirkəti ilə müqavilə imzalayıb - FOTO

Azərbaycan Hava Yolları” QSC-nin (AZAL) “Azəraeronaviqasiya” Hava Hərəkəti İdarəsi (AZANS) “Aireon Safety Dashboard” və “Aireon Locate” platformalarının öz əməliyyatlarında tətbiq edilməsi haqqında “Aireon” şirkəti ilə mühüm müqavilə imzalayıb.

"Azərbaycan Hava Yolları" QSC-nin Mətbuat xidmətindən 1news.az-a verilən məlumata görə, “Safety Dashboard” uçuş təhlükəsizliyi göstəricilərini təhlil etmək imkanı yaradacaq və bunun sayəsində aviasiya proseslərinin idarə edilməsinin daha da optimallaşdırılması mümkün olacaqdır. Kosmik avtomatlaşdırılmış radioyayım müşahidəsindən (ADS-B) istifadə edən “Aireon Locate”, öz növbəsində, bütün dünya üzrə axtarış və xilasetmə əməliyyatlarının aparılması üçün istifadə olunacaq. Qeyd olunan platforma qəza vəziyyətində olan təyyarələrlə bağlı fövqəladə hallara çevik reaksiya verilməsini tələb edən şəraitlər üçün xüsusi nəzərdə tutulub.

Bundan əlavə, AZAL, “Aireon” və “Metron Aviation” arasında aviasiya analitikasına dair rəqəmsal platformaların birgə işlənib hazırlanmasına yönəlmiş Əməkdaşlıq Memorandumu imzalanıb. Sənəd AZAL-ın prezidentinin müşaviri və AZANS-ın direktoru Fərxan Quliyev, “Aireon” şirkətinin baş direktoru Don Toma və “Metron Aviation” şirkətinin prezidenti Kris Cordan tərəfindən imzalanıb.

“Aireon” peyk məlumatlarına əsaslanan aviasiya platformalarının birgə inkişafı hava hərəkətinin proqnozlaşdırılması və idarə edilməsində köklü dəyişikliklər vəd edir. Bu yeniliklər hava gəmilərinin mövqelərinin davamlı izlənilməsini və hava hərəkətinin proqnozlaşdırılmasını təmin etməklə Azərbaycanda hava daşımalarının təhlükəsizliyini və səmərəliliyini əhəmiyyətli dərəcədə artıracaqdır.

Sənədlərin imzalanması iyunun 11-dən 13-nə kimi Bakıda keçirilən Ümumdünya Aeronaviqasiya Sammiti 2024 və CANSO-nun 28-ci İllik Ümumi İclası çərçivəsində baş tutub.

AZAL, “Aireon” və “Metron Aviation” arasında əməkdaşlıq risklərin minimuma endirilməsinə və əməliyyatların optimallaşdırılmasına yönəlmiş qabaqcıl məhsul və texnologiyaların yaradılması, Azərbaycanın aviasiya sahəsində ən son texnologiyaların tətbiqi ilə bağlı təşəbbüsünün dəstəklənməsi üçün yeni imkanlar təqdim edir.

“Aireon”

“NAV CANADA”, “AirNav Ireland”, ENAV, NATS və “Naviair”, eləcə də “Iridium Communications” kimi dünyanın aparıcı aeronaviqasiya xidmətləri təchizatçıları ilə əməkdaşlıq etməklə, “Aireon” aviasiya sahəsində bütün maraqlı tərəflərin istifadə edə biləcəyi, real vaxt rejimində hava hərəkətinə qlobal kosmik nəzarət sistemini təqdim edir.

“Metron Aviation”

“Metron Aviation” hava hərəkətinin idarə edilməsi sistemləri sahəsində dünya lideri hesab edilir. Yer kürəsinin beş qitəsində tərəfdaşları və müştəriləri olan şirkət aviasiya sahəsində ən mürəkkəb məsələləri həll edir.

Paylaş:
169

Son xəbərlər

Qlobal istiləşmə: Dünya ictimaiyyəti ən mühüm ekoloji problemlə necə mübarizə aparır? - FOTO - VİDEO19 / 07 / 2024, 20:55Uşaqlıq xəyallarını gənclik hədəflərinə çevirmək zamanıdır! - FOTO19 / 07 / 2024, 18:50“INMerge” İnnovasiya Sammiti nədir?19 / 07 / 2024, 18:36Bu gün Xalq artisti Ağababa Bünyadzadənin anadan olmasından 109 il ötür19 / 07 / 2024, 17:45“Euromoney” ABB-ni “İlin ən yaxşı bankı” seçdi! - FOTO19 / 07 / 2024, 17:32Bakı-Sumqayıt yolunda maşın ağaca çırpılıb, ölənlər var - YENİLƏNİB19 / 07 / 2024, 17:23Azyaşlı övladını suda boğaraq öldürməkdə təqsirli bilinən türkiyəəsilli şəxsin məhkəməsi başlayır19 / 07 / 2024, 17:17187 repatriantla sosial reabilitasiya işi aparılıb19 / 07 / 2024, 17:07Agentlik I sinfə qəbul prosesi ilə bağlı valideynlərə çağırış edib19 / 07 / 2024, 16:26Bakıda kişi tanışını itələyərək öldürməkdə şübhəli bilinir19 / 07 / 2024, 16:04Bakıda maska ilə mağazanın içərisində olan ödəmə terminalını talamaqda şübhəli bilinən şəxs saxlanılıb19 / 07 / 2024, 15:52Birinci Qarabağ müharibəsinin şəhidi İbrahim Vəliyev İmişlidə dəfn edilib - YENİLƏNİB19 / 07 / 2024, 15:40İşğaldan azad olunan ərazilərdə yanğın olub, iki helikopter cəlb olunub19 / 07 / 2024, 15:15Sumqayıtda avtomobil mağazaya çırpılıb19 / 07 / 2024, 15:04Yağış yağacaq, şimşək çaxacaq19 / 07 / 2024, 14:51Azərbaycanın axtarışa verdiyi şəxs Rusiyada tutulub19 / 07 / 2024, 14:41Bakının Əhməd Rəcəbli küçəsinin bir hissəsi təmir olunur19 / 07 / 2024, 14:25Yevlaxda Birinci Qarabağ müharibəsinin şəhidi Bəxtiyar Hümbətov dəfn edilib19 / 07 / 2024, 14:06“LAW & CLİMATE” adlı beynəlxalq konfrans keçiriləcək19 / 07 / 2024, 13:42Muxtar Babayev Şəkidə vətəndaşları qəbul edib19 / 07 / 2024, 13:28
Bütün xəbərlər