1news.az

Afaq Əliyeva: Hər bir vətəndaş özünü koronavirusdan qoruyaraq əsgərlərimizi qoruyur

29 Oktyabr saat 17:32 ~ 1 dəqiqəlik oxu 1340
Afaq Əliyeva: Hər bir vətəndaş özünü koronavirusdan qoruyaraq əsgərlərimizi qoruyur

“Son  gönlər Azərbaycanda koronavirus infeksiyasına (COVİD-19) yoluxma hallarında kəskin artım müşahidə olunur. Artımın əsas səbəbləri vətəndaşların qoruyucu maskalardan düzgün istifadə və mövcud karantin qaydalarına riayət etməməsi,  şəxsi gigiyena qaydalarına ciddi əməl olunmaması, bir çox hallarda ara məsafənin gözlənilməməsi, zəruri ehtiyac olmadığı halda belə evdən cıxmaları,  ictimai yerlərdə kontaktların çoxalmasıdır”.

1news.az xəbər verir ki, bunu APA-ya  Səhiyyə Nazirliyinin Respublika Gigiyena və Epidemiologiya Mərkəzinin (RGEM) direktor müavini Afaq Əliyeva deyib. O bildirib ki, epidemioloji vəziyyətlə əlaqədar olaraq xüsusi  karantin rejimi çərçivəsində dekabrın 1-dək bir sıra məhdudiyyətlər tətbiq olunub: “Payız-qış  mövsümü ilə əlaqədar koronavirus (COVID-19) infeksiyası ilə yanaşı, qrip və digər kəskin respirator virus infeksiyalarının artımı  müşahidə edilə bilər. Qrip xəstəliyinin qarşısının alınması, eyni zamanda xəstəliklərin mövsümi artımı zamanı gərginləşmə ehtimalının minimuma endirilməsi məqsədi ilə  Səhiyyə Nazirliyinin müvafiq əmrinə əsasən 12 oktyabrdan respublikanın  şəhər və rayonlarında tibb işçiləri (həkimlər, orta tibb işçiləri), hamilə qadınlar, xroniki tənəffüs sistemi xəstəlikləri olan əhali qrupları arasında qrip əleyhinə peyvəndləmə tədbirləri  aparılır. Peyvəndləmə tələblərə cavab verən  xüsusi ayrılmış  tibb müəssisələrində  həyata keçirilir”.

A.Əliyeva qeyd edib ki, hər bir vətəndaş özünü koronavirus infeksiyasından qoruyaraq, ailəsini, valideynlərini və cəbhədə olan əsgərlərimizi qoruyur: “Milli ordumuzun uğurlu əks-hücum əməliyyatları apardığı bir zamanda hər bir vətəndaş COVID-19 infeksiyanın geniş yayılmaması üçün tələb olunan qaydalara riayət etməklə ordumuza dəstək vermiş olur”. 

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net