1news.az

Azərbaycan “Eurovision”un finalında – VİDEO

17 May saat 09:24 ~ 1 dəqiqəlik oxu 667
Azərbaycan “Eurovision”un finalında – VİDEO

İsrailin Tel-Əviv şəhərində 64-cü “Eurovision”  mahnı müsabiqəsinin ikinci yarımfinalı keçirilib.

1news.az-ın məlumatına görə, ilk olaraq səhnəyə Ermənistan təmsilçisi Srbuk “Walking Out” adlı mahnı ilə çıxıb. Onun ardınca İrlandiya, Moldova, İsveçrə, Latviya, Rumıniya, Danimarka, İsveç, Avstriya, Xorvatiya, Malta, Litva, Albaniya, Norveç, Niderland, Şimali Makedoniya, Rusiya və Azərbaycan təmsilçiləri öz nömrələrini göstəriblər. 

Ölkəmizi yarışmada təmsil edən Çingiz Mustafayev “Truth” mahnısı ilə 18-ci nömrə altında çıxış edib.

Çıxışların yekununda səsvermənin nəticəsi olaraq 10 ifaçı finala vəsiqə qazanıb.

Onlar Şimali Makedoniya, Niderland, Albaniya, İsveç, Rusiya, Azərbaycan, Danimarka, Norveç, İsveçrə və Maltadır. 

Ermənistan, İrlandiya, Moldova, Latviya, Rumıniya, Avstriya, Xorvatiya, Litva isə finala vəsiqə qazana bilməyənlər sırasındadır.

Xatırladaq ki, birinci yarımfinalda finala vəsiqə qazanan 10 ölkə Yunanıstan, Belarus, Serbiya, Kipr, Estoniya, Çexiya, Avstraliya, İslandiya, San Marino və Sloveniya olub.

Qeyd edək ki, Böyük Britaniya, Fransa, İtaliya, İspaniya, Almaniya və ev sahibi İsrail təmsilçiləri birbaşa finalda iştirak edəcəklər.

1news.az

OXUCULARIN SEÇİMİ
REDAKSİYANIN SEÇİMİ
Şou-biznes BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net