1news.az

Azərbaycan səfirliyi Dağıstandakı qəza ilə bağlı məsələni nəzarətdə saxlayır

20 Sentyabr saat 16:47 ~ 1 dəqiqəlik oxu 205
Azərbaycan səfirliyi Dağıstandakı qəza ilə bağlı məsələni nəzarətdə saxlayır

Dünən Rusiyanın Dağıstan Respublikasının Qayakənd rayonu ərazisində nəqliyyat hadisəsi baş verib. Bu haqda Azərbaycanın Rusiyadakı səfirliyinə məlumat daxil olan kimi, dərhal yerli polis idarəsinin sözügedən nəqliyyat hadisəsini araşdıran müstəntiq, mərkəzi xəstəxananın baş həkimi, yerli diaspor nümayəndələrimiz, həmçinin qəzaya düşən nəqliyyat vasitəsinin sürücüsü ilə əlaqə saxlanılıb.

Bu barədə 1news.az-a Azərbaycanın Rusiyadakı səfiliyindən məlumat verilib.

Qeyd edilib ki, əldə olunmuş məlumata əsasən, qəza nəticəsində 2 nəfər Rusiya vətəndaşı həyatını itirib, 7 Azərbaycan Respublikasının vətəndaşı isə xəsarət alıb. Onlardan 3 nəfər ilkin müayinə olunduqdan sonra, 1 nəfər isə qohumlarının zaminliyi ilə evə buraxılıblar.

Hazırda Qayakənd rayon mərkəzi xəstəxanasında 3 nəfər həmvətənlərimiz vardır ki, onların da vəziyyəti orta ağır olaraq qalır. Bunlar Sevindik Əsgərov (1964-cü il təvəllüdlü), Ağabəy İsayev (1954-cü il təvəllüdlü) və Eldar Həsənəliyev (1990-cı il təvəllüdlü) adlı soydaşlarımızdır.

Səfirlik məsələni və həmvətənlərimizin durumunu nəzarətdə saxlayır.

1news.az

 

 

 

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net