1news.az

Bakıda dünyanın ən böyük natiqlik yarışmasının Azərbaycan üzrə final tədbiri keçiriləcək

12 Noyabr saat 15:17 ~ 1 dəqiqəlik oxu 205
Bakıda dünyanın ən böyük natiqlik yarışmasının Azərbaycan üzrə final tədbiri keçiriləcək

Dünyanın 54 ölkəsində keçirilən yarışma sonuncu ilində dünya üzrə 1 milyondan çox gənci əhatə etmişdir.

1news.az-ın verdiyi xəbərə görə, 100 ildən artıq təcrübəyə malik Britaniyanın ESU “The English-Speaking Union” təşkilatı ilə əməkdaşlıq çərçivəsində keçirilən yarışmanın məqsədi 16-20 yaşlı şagird və tələbələrin ingilis dilinin artırılması və onların natiqlik, təqdimat bacarıqları, liderlik, ünsiyyət, analitik və yaradıcı düşünmə kimi bacarıqlarının inkişaf etdirilməsidir.

“Azerbaijan Public Speaking Competition” (APSC) dünyanın ən böyük natiqlik yarışmasının tərəfdaşıdır. Əməkdaşlıq çərçivəsində, Azərbaycanda yarışmanın qalibi olan tələbə və şagirdlər Azərbaycanı dünyanın ən böyük yarışmasında təmsil etmək üçün hər il 1 həftəlik Londona səyahət edirlər.

Yarışmanın sonuncu qalibi, Bakı Mühəndislik Universitetinin tələbəsi Adil Qafarlı Londonda 54 ölkədən olan qaliblərlə birlikdə yarışmış və "International Public Speaking Competition 2019" yarışmasında fərqlənmə diplomu qazanmışdır. 

Qeyd edək ki, layihə “Mentora College” şirkətinin sponsorluğu, “1News” İnformasiya Agentliyinin media dəstəyi ilə “Global Brands” şirkəti tərəfindən həyata keçirilir.

Tədbir 1 dekabr, bazar günü saat 16.00-da “YARAT” Müasir İncəsənət Mərkəzində baş tutacaq. Final tədbirində müxtəlif təhsil və tədris müəssələrindən, ictimai və özəl sektordan olan 160 nəfərin iştirakı gözlənilir. Tədbirdə iştirak ödənişsizdir və hərkəs iştirak edə bilər.

Tədbirdə iştirak üçün qeydiyyat vacibdir.

Qeydiyyat: https://bit.ly/2VFMwvE

Məlumat üçün zəng & WhatsApp: 070 433 87 80

1news.az

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net