1news.az

Bir neçə aydan sonra TAP-ın qazla təchizatı başlayacaq

24 Oktyabr saat 13:10 ~ 1 dəqiqəlik oxu 96
Bir neçə aydan sonra TAP-ın qazla təchizatı başlayacaq

Bir neçə aydan sonra Trans-Adriatik qaz boru kəmərinə (TAP) qazın doldurulmasına start veriləcək.

1news.az-ın Trend-ə istinadən verdiyi xəbərə görə, bunu Türkiyənin Enerji və Təbii Resurslar Nazirliyinin Beynəlxalq məsələlər üzrə idarəsinin baş direktoru Safa Uslu Bakıda keçirilən Beynəlxalq Enerji Xartiyası Forumunda çıxışı zamanı deyib.

Baş direktor bildirib ki, keçən ilin yayından başlayaraq Türkiyə "Cənub Qaz Dəhlizi"nin əsas hissəsi olan Trans-Anadolu qaz kəməri (TANAP) vasitəsilə qaz almağa başlayıb: "Bir neçə aydan sonra isə biz daha bir önəmli mərasimin - TAP-ın qazla təchiz edilməsinə hazırlaşırıq".

Daha sonra Türkiyənin enerji siyasətindən danışan baş direktor qeyd edib ki, ölkə xarici enerji ehtiyatları mənbələrindən asılığını azaltmağa çalışır.

Uslu deyib: "Türkiyə xarici enerji resurslarından asılıdır və ölkənin enerjiyə tələbatı getdikcə artır. Ölkənin əsas hədəfi bu asılılığı azaltmaqdır. Bunun üçün Türkiyə daxili istehsalı artırmalıdır. Bu isə ətraf mühitin çirklənməsi problemini yaradır. Buna rəğmən Türkiyə bəzi sahələrdə enerji təhlükəsizliyinə nail olub".

1news.az

OXUCULARIN SEÇİMİ
REDAKSİYANIN SEÇİMİ
Neft və qaz BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net