1news.az

Gizli yas mərasimində 163 nəfər koronavirusa yoluxdu

26 May saat 17:10 ~ 1 dəqiqəlik oxu 3580
Gizli yas mərasimində 163 nəfər koronavirusa yoluxdu

Türkiyənin Van vilayətində yas mərasimlərinin keçirilməsi qadağasına baxmayaraq, gizli təşkil edilən mərasimlərin iştirakçıları yeni növ koronavirusa (COVID-19) yoluxublar.

1news.az-ın APA-ya istinadən verdiyi xəbərə görə, Vanın Edermit rayonunda 35 nəfər, İpəkyolu rayonunda isə 128 nəfər koronavirusa yoluxub. Virusa yoluxan 163 nəfərdən biri vəfat edib. Ölən şəxs Türkiyə Səhiyyə Nazirliyinin tələbləri çərçivəsində dəfn edilib. Vanın Edermit və İpəkyolu rayonlarında gizli qurulan yas çadırlarına görə mərasim sahibləri məsuliyyətə cəlb olunub.

Qeyd edək ki, İpəkyolunun İranla sərhəd Ortanca kəndində 20 gündən artıqdır ki, karantin rejimi tətbiq olunub. 

Vanda indiyə qədər 478 nəfər bu infeksiyaya yoluxub. Van valiliyindən bildirlib ki, vilayətdə COVID-19-la mübarizə tədbirləri çərçivəsində indiyədək 61 nəfər karantinə alınıb, hazırda 18 min nəfər karantindədir.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net