1news.az

McDonald’s Azərbaycan on minlərlə pulsuz yemək komplektləri ilə karantində olan insanları dəstəklədi - VİDEO

26 May saat 12:03 ~ 1 dəqiqəlik oxu 3090
McDonald’s Azərbaycan on minlərlə pulsuz yemək komplektləri ilə karantində olan insanları dəstəklədi - VİDEO

Mart ayının 25-dən may ayının 17-nə kimi McDonald’s Azərbaycan şirkəti tərəfindən karantində olan insanların yerləşdiyi bir sıra paytaxt obyektlərinə gündəlik olaraq burger, frenç frayz, içki və digər məhsullardan ibarət pulsuz yemək komplektləri göndərilib.

Qeyd olunan dövr ərzində 379,069 AZN məbləğinə ekvivalent olan 41,572 yemək komplekti ianə edilib.

Xeyirxah aksiyanın əsas məqsədi həyatının çətin mərhələsində olan  vətəndaşlarımıza  dəstək olmaq idi. McDonald’s tərəfindən təşkil edilmiş aksiya karantində yerləşən insanlar tərəfindən çoxlu sayda müsbət rəy alıb. Sevimli McDonald’s  brendindən hədiyyə alan bir çox insanlar sosial şəbəkələrdə pozitiv fotolarla və təşəkkür statusları ilə paylaşımlar etdilər.

McDonald’s Azərbaycan bütün səhiyyə, FHN əməkdaşlarına və Operativ Qərargahın nəzdindəki tibbi bölmələrin bütün əməkdaşlarına ölkənin rifahı, həmvətənlərimizin təhlükəsizliyi və sağlamlığı üçün gecə-gündüz qəhrəmancasına çalışan digər insanlara öz minnətdarlığını bildirir. Bu mürəkkəb zamanda həmrəylik və mənəvi dəstək hər bir vətəndaş üçün çox vacib amillərdəndir. Biz hər kəsə möhkəm can sağlığı arzu edirik və ümid edirik ki, hal-hazırda xəstəxanalarda və karantində olan insanlar ən yaxın zamanda öz evlərinə, doğmalarının yanına qayıdacaq.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net