1news.az

Smartfonlar üçün möhkəm almaz şüşə yaradılıb

22 Yanvar saat 16:50 ~ 1 dəqiqəlik oxu 712
Smartfonlar üçün möhkəm almaz şüşə yaradılıb

ABŞ-ın "Akhan Semiconductor" şirkəti möhkəm almaz şüşə icad edib.

1news.az ictnews.az-a istinadən bildirir ki, nanoalmaz materiallardan hazırlanan "Miraj Diamond Glass" adlı şüşə ilk növbədə açılıb-yığılan qurğuların ekranları üçün nəzərdə tutulub. İstehsalçı nümayəndələrinin sözlərinə görə, "Corning" şirkətinin analoqu ilə müqayisədə yeni şüşə "Gorilla Glass" şüşəsindən altı dəfə möhkəmdir. Materialın qalınlığı 100 nanometr təşkil edir.

"Miraj Diamond Glass" şüşəsinin əsas xarakteristikaları kimi maye və yağların uzaqlaşdırılması xüsusiyyətləri qeyd olunur. Bu, şüşənin əlavə oleum örtüklə emalını aradan qaldırır. "Akhan Semiconductor" şirkətinin təmsilçiləri qeyd edib ki, yeni material ixtiranı bəyənən bir sıra smartfon istehsalçılarına təqdim edilib.

"Akhan Semiconductor" şirkətinin əsas rəqibi "Corning" istehsalçısı da 0,1 millimetr qalınlığa və 5 millimetrədək əyilmə amplitudasına malik elastik material üzərində çalışır. Mobil bazarda "Corning" şirkətinin ən böyük tərəfdaşlarından biri kimi "Apple" korporasiyası çıxış edir.

1news.az

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net