1news.az

“Tariximizin biabırçı səhifəsini yaşayırıq” - Ermənistanın sabiq baş naziri Paşinyanı istefaya çağırdı

27 Oktyabr saat 13:50 ~ 1 dəqiqəlik oxu 1600
“Tariximizin biabırçı səhifəsini yaşayırıq” - Ermənistanın sabiq baş naziri Paşinyanı istefaya çağırdı

Ermənistanın birinci baş naziri (1990-1992), ölkənin ikinci müdafiə naziri olmuş (1992-1993), hazırda Milli Demokratik Birlik partiyasına sədrlik edən Vazgen Manukyan Ermənistan hakimiyyətini istefaya çağırıb.

1news.az-ın Azvision.com-a istinadən verdiyi xəbərə görə, bu barədə onun müraciətində deyilir.

Manukyan etiraf edib ki, bu gün Ermənistan tarixin biabırçı və dağıdıcı səhifəsini yaşayır:

“Biz tariximizin biabırçı və dağıdıcı səhifəsini yaşayırıq. Yalnız "Artsax" deyil, (Azərbaycanın işğal altında olan Dağlıq Qarabağ ərazisi – red) həmçinin Ermənistan, ermənilərin gələcəyi də təhlükə altındadır. Vəziyyəti dəyişdirmək mümkündürmü? Bəli! Ancaq mövcud hökumətin dövründə yox. Nə edilməlidir?

Bu hökumət istefaya getməli, bütün hakimiyyəti orduya təhvil verməlidir. Bunu dağıdıcı zərbələr olmadan könüllü şəkildə etməlidirlər. Bütün hakimiyyəti əlinə alan ordu mövcud müharibə vəziyyəti üçün lazımi tədbirləri təşkil etməli, "Artsax"la birlikdə ortaq Müdafiə Komitəsi yaratmalıdır. Yeganə xilas budur. Əks təqdirdə hər şeyi itirə bilərik".

1news.az

OXUCULARIN SEÇİMİ
REDAKSİYANIN SEÇİMİ
Ermənistan BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net