1news.az

Torontoda “Sarı gəlin”: Azərbaycanlılar Kanadada Xocalı faciəsi qurbanlarına həsr olunmuş fleşmob keçirib – FOTO

25 Fevral saat 16:29 ~ 1 dəqiqəlik oxu 488
Torontoda “Sarı gəlin”: Azərbaycanlılar Kanadada Xocalı faciəsi qurbanlarına həsr olunmuş fleşmob keçirib – FOTO

Xocalı soyqırımının ildönümü ərəfəsində Azərbaycan-Kanada Multikulturalizm Mərkəzi qanlı faciə qurbanlarına həsr olunmuş fleşmob hazırlayıb.

Fleşmob Kanadanın iri şəhərlərindən biri – Torontoda Azərbaycan xalq mahnılarının tarla müşayiəti ilə keçib. Gənclərdən biri əlində Azərbaycan bayrağını tutub. Daha sonra musiqiçilərə kədərli rəqs edən rəqqasə də qoşulur.

Video-çarxdan görünür ki, fleşmob şəhər əhalisinin diqqətii çəkib. İnsanlar musiqiçilərin ətrafında toplaşaraq şəkil çəkdirib, bəziləri isə əllərini ürəyinin üzərində qoyaraq xalqımızın kədərinə şərik olub.

Qeyd edək ki, bu il Xocalı faciəsinin 28-ci ildönümüdür. 1992-ci ilin fevralın 25-dən 26-na keçən gecə ermənilər keçmiş sovet ordusunun 366-cı motoatıcılıq alayının köməyilə Azərbaycanın Xocalı şəhərində soyqırım ediblər.  

Mühasirəyə alınmış şəhəri tərk etməyə çalışan silahsız əhali qəddarcasına qətlə yetirilib. Nəticədə, 106 qadın, 63 uşaq, 70 yaşlı da daxil olmaqla 613 nəfər erməni hərbçiləri tərəfindən qətlə yetirilib.   

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net