1news.az

Yaponlar tərcüməçi-maska hazırladılar

7 Avqust saat 14:05 ~ 1 dəqiqəlik oxu 3550
Yaponlar tərcüməçi-maska hazırladılar

Yaponiyalı alimlər koronavirus pandemiyası zamanı təlabata çevrilən və eyni zamanda dəbli aksesuar olan tibbi maska hazırlayıblar.

CNN xəbər verir ki, “Donut Robotics” şirkətinin mütəxəssisləri “ağıllı maska” yaradıblar.

İnternetə qoşulan zaman o, mesajı yapon dilindən səkkiz fərqli dilə çevirə bilir.

Sözügedən maska hava qəbul ediciliyinə görə, koronavirusdan qorumur. Amma onu qoruyucu maskanın üstündən taxmaq olar.

“Ağıllı maska”nı istifadə etməyə başlamazdan əvvəl onu “Bluetooth” vasitəsilə mobil telefon və ya planşetinizə bağlamalısınız. İnsan danışmağa başlayanda üz əzələlərinin hərəkətləri cihaz tərəfindən oxunur və yapon dilindən Çin, Koreya, İngilis, Vyetnam, İndoneziya, İspan və Fransız dillərinə tərcümə edir.

Maskada quraşdırılmış mikrofon var və sözlər avtomatik olaraq telefonun mətn rejimində əks olunur. Bundan əlavə, yeni maska koronavirus pandemiyası zamanı çox ehtiyac duyulan sosial məsafəni qorumağa kömək edəcək.

Cihazın əvvəlcə beynəlxalq hava limanlarında robot təlimatlarında istifadə edilməsi nəzərdə tutulmuşdu. Lakin pandemiya başlayanda və hava limanları işini dayandırdıqda, bu məsələ təxirə salındı.

İlk maskanı ​​hazırlamaq üçün bir aya yaxın vaxt lazım olub. Lazımi vəsait (265 000 ABŞ dolları) “crowdfunding” platformasında toplanıb. Bu, sentyabr ayında Asiyada 50 dollara satışa başlayacaq təxminən 5000 “ağıllı maska” üçün kifayət edəcək məbləğdir.

Bundan sonra məhsulun Avropa və Amerikada satışları planlaşdırılır.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net