Çavuşoğlu: Ermənistan ağılını başına yığsın – VİDEO
“Ermənistan ağlını başına yığsın, Azərbaycanın yanındayıq”.
1news.az-ın verdiyi xəbərə görə, bu sözləri Türkiyənin Xarici İşlər naziri Mövlud Çavuşoğlu "TRT Haber" canlı yayımında jurnalistlərin sualları cavablandırarkən deyib.
Ermənistanın Tovuz istiqamətində Azərbaycan mövqelərinə hücumu barədə sualı cavablandıran Çavuşoğlu qeyd edib: "Əlbəttə, Azərbaycan ordusu lazım olanı etdi və bu hücumları dəf etdi. Buradan görürük ki, Ermənistan yeni münaqişə bölgələri yaradaraq diqqəti digər işğal olunmuş torpaqlardan başqa yerə çəkmək istəyir".
Ermənistanın bu günə qədər heç bir siyasi həll yoluna yanaşmadığını vurğulayan Çavuşoğlu Ermənistanın hərəkətlərinin qəbuledilməz olduğunu qeyd edib.
Çavuşoğlu Türkiyənin Azərbaycanın ərazi bütövlüyünü qorumaq üçün əlindən gələn bütün dəstəyi verəcəyini bildirib: "Azərbaycan işğal edilmiş əraziləri və Qarabağla bağlı hansı həll yolunu seçərsə, biz Türkiyə Respublikası və türk milləti olaraq bütün imkanlarımızla Azərbaycanın yanındayıq".
Mövzu ilə əlaqədar oxuyun:
#SeninleyizAzerbaycan: Türkiyə vətəndaşlarından Azərbaycan ordusuna dəstək – FOTO
Türkiyə Azərbaycanın yanında dayanmaqda davam edəcək - Türkiyə XİN bəyanat yaydı
Azərbaycan-Ermənistan sərhədində vəziyyət yenidən gərginləşib - RƏSMİ
Tovuzda şəhidlərimizin sayı 3-ə çatdı - Nazirlik adları açıqladı
S.Xankişiyeva
