ru

Dünya

23 Oktyabr saat 17:20

“Roborace” avtomobili “Ginnesin Rekordlar Kitabı”na düşüb

“Roborace” avtomobili “Ginnesin Rekordlar Kitabı”na düşüb

"Ginnesin Rekordlar Kitabı"nın təmsilçiləri "Roborace" avtomobili tərəfindən avtonom pilotsuz avtomobillər üçün müəyyən edilən rekord sürəti rəsmi şəkildə təsdiq ediblər. Rekord saatda 282,42 kilometr təşkil edib.

1news.az-ın AZƏRTAC-a istinadən verdiyi xəbərə görə, yürüşlər hələ bu il martın 21-də, Böyük Britaniyada Yorkşir qraflığındakı Elvinqton hərbi aerodromda yerləşən yürüş trasında təşkil edilmişdi. Maşın avtonom rejimdə iki istiqamətdə hərəkət edib: şərqdən qərbə 280,365 km/saat, qərbdən şərqə isə 284,492 km/saatadək. Bununla belə küləyin sürəti saatda 12,8 kilometr olub.

Rekordun təsviri 2020-ci il "Ginnessin Rekordlar Kitabı"nın robotlara həsr olunan xüsusi bölməsində yerləşdiriləcək. Gələcəkdə "Roborace" Formula E çempionatının dəstək seriyalarından biri olmalıdır.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur