Rusiya və Türkiyə xarici işlər nazirləri arasında telefon danışığı olub
Türkiyə ilə müharibəyə hazırlaşmırıq.
1news.az-ın APA-ya istinad edərək verdiyi məlumata görə, bunu Rusiyanın xarici işlər naziri Sergey Lavrov bu gün keçirdiyi brifinqdə bildirib.
XİN rəsmisi telefon danışığının Türkiyə tərəfinin təşəbbüsü ilə baş tutduğunu söyləyib:
“Türkiyənin dünən təyin olunan xarici işlər naziri Mövlud Çavuşoğlu ilə telefon danışığımız oldu. O, Su-24 təyyarəsinin vurulması ilə bağlı bizə başsağlığı verdi”.
S.Lavrov M.Çavuşoğlunun Rusiya təyyarəsinin Türkiyə sərhədini pozduğunu söylədiyini də əlavə edib:
“Türkiyəli nazir öz hərbi hava qüvvələrinin fəaliyyətinə haqq qazandırmağa çalışdı. O, öz hərəkətlərini ABŞ-la razılaşdırıb-razılaşdırmadıqları ilə bağlı suala cavab verə bilmədi. İnsident planlaşdırılmış təxribata oxşayır”.
S.Lavrov iddia edib ki, Su-24 Suriyada “İŞİD”in neft yataqlarına zərbə endirdikdən sonra vurulub:
“Türkiyə ilə müharibəyə hazırlaşmırıq. Lakin Türkiyə ilə münasibətlərə yenidən baxılacaq”.
1news.az
