Azərbaycan atleti ömürlük diskvalifikasiya oluna bilər
ABŞ-ın Hyuston şəhərində ağırlıqqaldırma üzrə keçirilən dünya çempionatında dopinq-testin nəticləri açıqlanıb.
Sportbox.az-ın verdiyi xəbərə görə, analizi müsbət cavab verən 4 atletdən biri Azərbaycan millisinin idmançısıdır.
Belə ki, apreldə 2 illik diskvalifikasiya müddəti başa çatan milliləşdirilmiş legionerimiz Silviya Angelovanın orqanizmində yenidən istifadəsi qadağan olunan preparat aşkar olunub. Bolqarıstan əsilli, 33 yaşlı atletin B testi müsbət nəticələndiyindən A testindən keçmək məcburiyyətindədir.
Əgər bu sübuta yetirilərsə, 48 kq çəki dərəcəsində yığmamızın şərəfini qoruyan Silviya ömürlük cəzalandırıla bilər.
Qeyd edək ki, noyabrın 20-28-də ABŞ-da keçirilən mundialda Angelova cəmi 5 rəqibini qabaqlayaraq, 34-cü olmuşdu və komandamızın aktivinə xal yazdıra bilməmişdi.
Xatırladaq ki, Avro-2012-də bürünc və Avro-2013-də gümüş medal qazanan idmançının qanında turinabol tapıldığından nəticələri ləğv edilmişdi. Məhz həmin vaxt o 2 illik cəzalanmışdı.
Sportbox.az
