XİN: ATƏT-in Minsk Qrupu Dağlıq Qarabağdakı icmalar arasında əlaqələrin qurulmasına imkan yaratmalıdır

Azərbaycanın işğal altında olan torpaqları azad olunduqdan sonra azərbaycanlı və erməni icmalar Dağlıq Qarabağda Azərbaycanın beynəlxalq səviyyədə tanınmış sərhədləri çərçivəsində birlikdə yaşayacaqlar.

Bu haqda 1news.az-a XİN-in mətbuat xidmətinin rəhbəri Hikmət Hacıyev məlumat verib.

Hikmət Hacıyev ABŞ-ın Dövlət Departamentinin rəhbəri Con KirbininDağlıq Qarabağdaicmalar arasında əlaqələrin qurulmasının vacibliyi fikrinə rəyini bildirib.

Xatırladaq ki, bu yaxınlarda ABŞ-ın Dövlət Departamentinin rəhbəri Con Kirbi qeyd edib ki, “xalq diplomatiyasının vacibliyi, əsasən də Dağlıq Qarabağdakı icmalar əsrlər boyu bir-biri ilə sıx yaşayıb, indi də bir-birinə etibar edərək” yaşamaqda davam etməldirlər.

H.Hacıyev bildirib ki, Azərbaycan tərəfi dəfələrlə Dağlıq Qarabağdakı icmalar arasında əlaqələrin yaradılmasının vacibliyini vurğulayıb. Bu, Azərbaycan-Ermənistan münaqişəsinin tərəflər arasında inam yaratmaq tədbirləri çərçivəsində olmalıdır.

“Biz hesab edirik ki, bu cür əlaqələr gələcəkdə iki icmanın birgə yaşamasını təmin etmək məqsədilə, ümumilikdə münaqişənin həllinə öz töhfəsini verəcək”, - H.Hacıyev bildirib.

O qeyd edib ki, əvvəllər icmalar arasında dialoqun təşviqinə yönəlmiş bir sıra layihələr var idi. Lakin erməni tərəfi problemin həlli istiqamətində müsbət təşəbbüsləri görərək destruktiv siyasət yürütməyə başladı.

H.Hacıyev əlavə edib ki, rəsmi İrəvan Dağlıq Qarabağın azərbaycanlı icmasının üzvlərinin öz tarixi torpaqlarına qayıtmalarına mane olmaq üçün bütün imkanlardan istifadə edir. Bununla da, Ermənistan yenidən Azərbaycan torpaqlarının işğal faktını təsdiqləyir.

XİN rəhbəri bildirib ki, ATƏT-in Minsk Qrupu danışıqlar prosesinin nizama salınmasınınvacib elementi kimi, Avropa Birliyi və digər beynəlxalq institutlarla birgə Dağlıq Qarabağdakı azərbaycanlı və erməni icmaları arasında əlaqələrin qurulmasına imkan yaratmalıdır.