Bern səfərindən sonra: Səfalı İsveçrə, diplomatların gülümsəməsi və Ermənistanın yalanı
Mənzərə olduqca realist idi: qonaqpərvər İsveçrə XİN rəhbəri, ATƏT-in Minsk qrupunun nikbinliklə gülümsəyən həmsədrləri, özünə və işinin doğruluğuna əmin olan Prezident İlham Əliyev, həmçinin, tutqun və narahat Serj Sarqsyan.
Aydındır ki, Bern görüşündən heç kim ciddi irəliləyiş və gözlənilməz nəticələr gözləmirdi. Irəvan belə qərarlara hazır deyil, əsas oyunçuların himayəsi də, belə ehtimala əsas vermir.
Lakin Ermənistanda başa düşürlər ki, bu hal daimi ola bilməz. Azərbaycan artıq tank və ağır hərbi texnikadan istifadə edir, gənc erməni əsgərlər həlak olur. Bunun isə səbəbi məlumdur- Heç vaxt onalara aid olmayan, başqasına məxsus olan ərazilərin işğalı, yoxsa, Azərbaycan tərəfindən ötən əsrin əvvəlində bağışlanan, heç kimin ələ keçirmək niyyətinin olmadığı öz vətəni uğrunda?
Əminəm ki, Sarqsyan bunu yaxşı anlayır. O, iki tərəf arasında- uzun illər ona himayədarlıq edənlər və çoxdan bəri ondan qurtulmağa çalışanlar arasında qalıb aşkar yalan deyir. Yəni məsələ heç də asan deyil: xarici qüvvələri qane etmək, özününkülərlə əlaqələri qorumaq, Azərbaycanın artan hərbi-siyasi təzyiqinə duruş gətirməklə yanaşı, bu arada öz simanı, ən əsası isə ölkədaxili vəziyyətə nəzarəti itirməmək.
Tarixdən məlumdur ki, bu yolla getməyə cəhd edənlər hər şeyini itirib, o cümlədən, bədəninin müəyyən əzalarının ən qəddar metodla itirilməsi ilə üzləşib. Bəs həmsədrlər?
Berndən sonra onların bəyanatlarının məzmunu eyni idi: “mövqelərin müəyyənləşməsi üçün yaradılan şərait”, “qurbanların olmasından narahatlıq”, “zorakılıq riskinin azaldılması” və s.
Mənim fikrimcə, həmsədrlərin “nikbin optimizmi”nin əsas mənası və mühüm elementi yaxın vaxtlarda baş verən zorakılıq halları ilə bağlı olub.
Düşünürəm ki, həmsədrlər və onlarla birlikdə gələn ATƏT-in hazırkı sədrinin şəxsi təmsilçisinin narahatlığına səbəb olan məhz bu məqam idi.
Bütün bunlar cəbhə xəttində Ermənistan tərəfinin davamlı təxribatları fonunda baş verirdi.
Beləliklə, qeyd etmək olar ki Bern görüşü həmsədrlər üçün uğurla nəticələnib: Görüş üçün Avropanın sakit, səfalı bölgəsi seçilib, tərəfləri danışıqlar masasına gətirmək mümkün olub, avropalı diplomatların sakitləşdirici bəyanatları səsləndirilib. Görülən işlər haqqında hesabat artıq hazırdır.
Bu arada işğalçıların təxribat əməlləri Azərbaycan silahlı qüvvələrini düşmənin hərbi mövqeləri və atəş nöqtələrinə onlarla zərbə endirməyə və daha geniş əməliyyat aparmağa təhrik edir.
Bir şey aydındır ki, nə İsveçrənin füsünkar təbiəti, nə diplomatların gülümsəmələri, nə də vasitəçilərin nikbin bəyanatları ölkəmizin ərazi bütövlüyünü bərpa etməyə mane olmayacaq.
Azərbaycanın əsas və strateji məqsədi də məhz budur.
Fikrət Sadıqov
Politoloq
