Restoranın həyətində 6 nəfəri güllələyən şəxslər tutuldular

Restoranın həyətində 6 nəfəri güllələyərək hadisə yerindən qaçan şəxslər tutulublar.

1news.az xəbər verir ki, bu barədə Daxili İşlər Nazirliyinin mətbuat xidmətindən məlumat veriblər.

Məlumata görə, bu, Qaradağ polisinin həyata keçirdiyi əməliyyat-axtarış tədbirləri nəticəsində mümkün olub.

Belə ki, dekabrın 21-də Lökbatan qəsəbəsində yerləşən “Zeytə” restoranının qarşısında 6 nəfərə tüfəngdən açdığı atəşlə xəsarət yetirib hadisə yerini tərk etmiş Məhərrəm Əliyev və Zaqatala rayon sakini Samir Epdiyev tutulublar.

M.Əliyevdən hadisəni törədərkən istifadə etdiyi “Bunta Maqnum” markalı tüfəng götürülüb.

1news.az