Müdafiə Nazirliyi erməni iftiralarına cavab verdi

Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı Ermənistan Müdafiə Nazirliyinin sözçüsü Arçrun Ovannisyanın fikirlərinə münasibət bildirib.

1news.az-ın verdiyi xəbərə görə, V.Dərgahlı bəyan edib ki,nə qədər ki erməni ordusu atəşkəs rejimini pozaraq yaşayış məntəqələrinivə dinc Azərbaycan sakinlərini atəşə tutacaqsa, o qədər dədaha iriçaplı silahlarla cavab atəşilə susdurulacaqlar.

“Azərbaycan ordusu öz gücünün və hərbi sursatının çox az hissəsini istifadə edir. Azərbaycan Silahlı Qüvvələrinin istifadə etdiyi silahlar daha dəqiq və uzunməzilli olaraq, daha dağıdıcı gücə malikdir. Lazım gələrsə Azərbaycan ordusu daha sarsıdıcı silahlar tətbiq edə bilər. Belə olan halda Ermənistan ordusu itkilərinin sayını təsəvvür belə edə bilməzlər. Ermənilər bunu başa düşməlidirlər.

Bundan qaçmaq və gənc erməni nəslinin qorunması üçün Ermənistan birdəfəlik işğal etdikləri Azərbaycan ərazilərini azad etməlidirlər. Hazırda erməni ordusu təmas xəttində Azərbaycan kəndlərinə və dinc sakinlərə atəş açaraqsüni gərginlik yaradırlar. Hər il onlarla dinc Azərbaycan sakinin erməni gülləsindən ya yaralanır, ya da həlak olur. Bunu beynəlxalq təşkilatlar, o cümlədən ATƏT də bilir.

Əgər düşmən bizim buna laqeyd qalaraq cavab verməyəcəyimizi fikirləşirsə, o zaman dərin səhvə yol verir. Azərbaycan orsudu erməni dinc sakinlərinə toxunmamaqdan ötrü əlindən gələni əsirgəmir. Bunula əlaqədar xarici KİV-lərə müsahibə verən Ağdərə yaxınlığındakı Talış və Maqadiş kəndlərini xatırlayın. Onlar bildirib ki, Azərbaycan ordusu bizə atəş aça bilərlər, amma bunu etmirlər. Təkcə bu bəyanat erməni yalanını puç edir”, - V.Dərgahlı bəyan edib.

Xatırladaq ki, Ermənistan Müdafiə Nazirliyinin mətbuat katibi jurnalistlərə açıqlama verib ki, qoşunlarıntəmas xəttindəki vəziyyətini müharibə kimi xarakterizə etmək olar.

1news.az