Royal Bank of Scotland-ın proqnozuna görə neftin qiyməti 16 dollara düşə bilər
Royal Bank of Scotland xəbərdar edib ki, 2016-cı ilin əvvəlində neftin qiyməti 1 barel- 16 dollara düşə bilər.
“İqtisadi nöqteyi nəzərdən 2016-cı il 2015-ci ildən daha ağır olacaq”- deyə, Royal Bank of Scotland-ın baş iqtisadçısı Endryu Roberts bildirib.
1news.az RBK saytına istinadən xəbər verir ki, yeni ilin ən neqativ hadisəsi neft sektorunda müşahidə olunacaq. Belə ki, 2016-cı ildə 1 barelə görə neftin qiyməti əvvəl 26 dollara, daha sonra isə 16 dollara düşəcək.
“Biz yaxın hədəf kimi neftin bir barelinin 26 dollar olması istiqamətində hərəkət edirik. Daha sonra isə 1 barel 16 dollara düşəcək. Bu hadisə 2016-cı ildə baş verməlidir. Lakin Beynəlxalq Enerji Agentliyi hesab edir ki, neftə olan tələb azaldığına və neft saxlancları artıq dolduğuna görə yeni ilin ilk rübündə artıq bu qiymət düşməsi riski yüksəkdir”-nəşrin “16-da 16“ adlı şərh bölməsində qeyd olunub.
