Əli Həsənov: Bu təsiri minimallaşdırmaq üçün Azərbaycan hökumətinin müvafiq konsepsiyası var
“Dünya neft bazarındakı vəziyyət Azərbaycana da təsir edir.Ancaq bu təsiri minimallaşdırmaq üçün Azərbaycan ölkumətinin müvafiq konsepsiyası var”.
1news.az-ın APA-ya istinadən verdiyi xəbərə görə, bunu Azərbaycan prezidentinin köməkçisi Əli Həsənov deyib. O bildirib ki, dövlət başçısı və komandası nikbin əhval-ruhiyyədədir.
Prezidentin köməkçisinin sözlərinə görə, süni qiymət artımının qarşısının alınması üçün müvafiq dövlət qurumları, Nazirlər Kabineti, İqtisadiyyat və Sənaye Nazirliyi və digər qurumlar zəruri tədbirlər həyata keçirirlər:
“Hazırda Azərbaycan hökuməti devalvasiyanın mənfi nəticələrini aradan qaldırmağa çalışır. Xüsusən bazar iqtisadiyyatına çətin uyğunlaşan sosial təbəqələrin- təqaüdçülərin, əlillərin, dövlət yardımı ilə həyatını quran insanların devalvasiyanın mənfi nəticələrindən qorunması istiqamətində tədbirlər aparılır”.
1news.az
