Xalq Bankın lotereyasının üçüncü tirajının qalibləri müəyyən oldu – FOTO
İyun ayının 6-da ASC “Xalq” Bankı plastik kart sahibi olan müştərilərinin iştirakı ilə “Xalq Bank kartı ilə ödə, istirahət qazan!” stimullaşdırıcı lotereyanın üçüncü uduşunu keçirdi.
Tiraj komissiyasının üzvlərinin nəzarəti ilə keçirilən uduşda 67 846 bilet iştirak edirdi ki, bu da ikinci tirajda iştirak edən biletlərin sayından 22,3% çoxdur. Uduşda may ayı ərzində 20 manat (və ya xarici valyutada ekvivalenti) və daha çox məbləğdə nağdsız ödəniş edən Xalq Bank kartlarının sahibləri iştirak etdi.
“Xalq Bank kartı ilə ödə, istirahət qazan!” stimullaşdırıcı lotereyanın üçüncü uduşunda bilet № 14423125 - Məmmədova Tərlan Duman qızı; bilet № 14424287 - Taxmazov Şirvani Valeh oğlu və bilet № 14454837 - Abdurakhmanova Shakhlo qalib gəldi.
Uduşun qalibləri Şamaxıda yerləşən dəbdəbəli “Sakit Göl” tətil və istirahət məkanında 2 nəfərlik istirahət kuponu (iki gün, bir gecə; səhər və şam yeməyi daxildir) əldə etdilər. Kuponlar qalibə verildiyi andan 2 ay müddətində etibarlıdır.
“Xalq Bank kartı ilə ödə, istirahət qazan!” lotereyası cari ilin mart ayının 2-dən başlayaraq 31 dekabr tarixədək davam edəcək. Növbəti tiraj iyul ayının 5-də baş tutacaq. Bu tirajda iyun ayının 1-dən 30-dək qazanılan elektron biletlər iştirak edəcək. Hər iştirakçı oynanılan mükafat növündən yalnız bir ədəd qazana bilər. Lotereyada Azərbaycan Respublikasının vətəndaşları ilə yanaşı xarici vətəndaşlar da iştirak edə bilər.
Plastik kartları Bankın istənilən filialında əldə etmək olar. Visa Electron/MC Debit, Visa Classic/MC Standard və Visa Gold/MC Gold kartları pulsuz təqdim olunur. Plastik kartlar və kampaniya haqda daha ətraflı məlumatı www.xalqbank.az internet səhifəsindən və ya 138 Məlumat Mərkəzindən əldə etmək olar.
