Bakı metrosu ilə daşınan sərnişinlərin sayı azalıb

Bu ilin yanvar-may ayları ərzində Bakı metrosu ilə daşınan sərnişinlərin sayı 91,7 mln. nəfər olub.

1news.az-a Dövlət Statistika Komitəsindən verilən məlumata görə, metro nəqliyyatının xidmətlərindən istifadə etmiş sərnişinlərin sayı ötən ilin analoji dövrü ilə müqayisədə 2,7% azdır.

Ümumilikdə bu il nəqliyyat sektorunda daşınan sərnişinlərin 12,2%-i metronun payına düşür.

1news.az