“MFL Kuboku”nda finalçıların adı məlum oldu – NƏTİCƏLƏR
Azərbaycanda həvəskar futbol turniri olan “MFL Kuboku”nda 1/2 final mərhələsinin oyunları keçirilib.
1news.az-ın məlumatına görə, “Sport Marketing Group” şirkətinin və Triponline.az saytının dəstəyi ilə keçirilən turnirdə finalçıların adına aydınlıq gəlib.
“Napoli” ilə SOCAR AQS komandaları arasında keçirilən qarşılaşmanın əsas vaxtı bərabərə başa çatdığından qalib onbirmetrəlik cərimə zərbələri ilə müəyyən olunub. Burada daha dəqiq olan “Napoli” finala vəsiqə qazanıb.
İkinci yarımfinal oyununda “Qaradağ Lökbatan” və “Galaxy Travel” komandaları üz-üzə gəlib. Rəqibindən üstün olan “Qaradağ Lökbatan” həlledici görüşdə “Napoli”yə rəqib olub.
Beləliklə, “Galaxy Travel” və SOCAR AQS komandaları 3-cü yer uğrunda mübarizə aparacaqlar. “Napoli” və “Qaradağ Lökbatan” komandaları isə həlledici görüşdə üz-üzə gələcəklər.
Yarımfinal mərhələsinin qarşılaşmalarının nəticələrini təqdim edirik:
“MFL Kuboku”, 1/2 final mərhələsi
Napoli - SOCAR AQS 3-3 pen 5-4
Garadağ Lökbatan - Galaxy Travel 9-2
Bombardirlər: Nicat Balakişiyev – 20 qol (Qaradağ Lökbatan), Nəcməddin Zaliyev – 17 qol (Qaradağ Lökbatan), Rafael İsmayılov – 13 qol (SOCAR AQŞ), Məmiş Nəzərov – 13 qol (Qaradağ Lökbatan).
Nəzərinizə çatdıraq ki, 3-cü yer uğrunda oyun və final qarşılaşması iyunun 19-da baş tutacaq.
Məlumat üçün bildirək ki, turnirdə 24 komanda mübarizə aparıb. Komandalar 4 qrupa (A, B, C və D) bölünüb və hər qrupda 6 komanda yer alıb. İlk iki yeri tutan komanda növbəti mərhələyə vəsiqə qazanıb.
Qeyd edək ki, həvəskar futbol turnirinin təşkilatçısı “Mini Futbol Liqası” (MFL) şirkətidir. Bir ay ərzində keçiriləcək yarış “İlk MFL Kuboku” adına layiq görülüb.
Artıq qeyd etdiyimiz kimi, ilk “MFL Kuboku” bir ay davam edəcək. Oyunlar Bakı Olimpiya Satdionunun ərazisində, “Sportster” şirkətinin yeni meydanlarında keçirilir.
Qalib komandanın üzvləri bu ilin yayında Fransada keçiriləcək Avropa Çempionatının yarımfinalına gedəcəklər.
Bununla yanaşı, komandanın bütün üzvlərinin aviabiletləri, mehmanxanada qalmaq və yarımfinal oyununa bilet xərcləri ödənəcək.
Onu da nəzərinizə çatdıraq ki, bu, hələ başlanğıcdır. Belə ki, ilk “MFL Kuboku” başa çatdıqdan sonra MFL – həvəskarlar liqasında tamhəcmli turnir başlayacaq ki, burada komandalar aylar ərzində ölkənin ən güclü mini futbol komanadası uğrunda mübarizə aparacaq.
Hər il sentyabrdan iyun ayına qədər keçiriləcək bu turnir tournament (liqa) sxeminə uyğun olaraq təşkil olunacaq ki, burada turnir cədvəli, statistika və s. olacaq. Turnirdə xal qazanan komadaların hesabı artıq tamamlanmaq üzrə olan MFL-in saytında öz əksini tapacaq.
Turnirin yekunu olaraq hər il qalib komandalar yalnız mükafat almaqla kifayətlənməyəcək, həmçinin Azərbaycanı digər ölkələrdə keçiriləcək analoji turnirlərdə təmsil etmək imkanı əldə edəcəklər.
Bütün futbol həvəskarlarını ilk irihəcmli MFL turnirində iştirak etməyə və futboldan zövq almağa dəvət edirik!
1news.az
