Azərbaycanda 2004-cü ildən indiyədək 1,5 milyondan çox yeni iş yeri açılıb | 1news.az | Xəbərlər
İqtisadiyyat

Azərbaycanda 2004-cü ildən indiyədək 1,5 milyondan çox yeni iş yeri açılıb

14:33 - 21 / 06 / 2016
Azərbaycanda 2004-cü ildən indiyədək 1,5 milyondan çox yeni iş yeri açılıb

Azərbaycanda 2004-cü ildən indiyədək 73 mindən çox yeni müəssisə fəaliyyətə başlayıb, 1,5 milyondan çox yeni iş yeri açılıb.

1news.az-a İqtisadiyyat Nazirliyinin mətbuat xidmətindən verilən xəbərə görə, bu fikir iqtisadiyyat naziri Şahin Mustafayevin Azərbaycanda səfərdə olan Nobel Sülh Mükafatı laureatı Məhəmməd Yunusla görüşündə səsləndirilib.

Nazir Şahin Mustafayev professor Məhəmməd Yunusun dünya miqyasında sülhün və davamlı tərəqqinin təbliği, mikromaliyyənin və sosial biznesin inkişafı sahəsində xidmətlərinin Azərbaycanda da yüksək dəyərləndirildiyini vurğulayaraq, onun təcrübəsindən ölkəmizdə də istifadə edilməsinin müsbət nəticələr verə biləcəyini qeyd edib.

Görüşdə nazir Şahin Mustafayev Azərbaycanın son illərdə əldə etdiyi nailiyyətlər və iqtisadiyyatın davamlı inkişafı istiqamətində görülən işlər barədə məlumat verərək, ölkəmizdə bütün sahələrdə, xüsusilə iqtisadi sahədə genişmiqyaslı islahatların həyata keçirildiyini, əlverişli investisiya və biznes mühitinin yaradıldığını, sahibkarlığın dəstəkləndiyini vurğulayıb. Professor Məhəmməd Yunusun sosial biznes sahəsində uzun müddət tədqiqat apardığı nəzərə alaraq, bu sahədə ölkəmizdə görülən işlər barədə məlumat verilib və vurğulanıb ki, Azərbaycanda həyata keçirilən dövlət siyasətinin əsasını da məhz əhalinin rifahının davamlı olaraq yaxşılaşdırılması təşkil edir.

Qeyd edilib ki, yoxsulluğun azaldılması sahəsində dövlət proqramları uğurla icra olunub. Görülən işlərin nəticəsi olaraq, ölkəmizdə yoxsulluq səviyyəsi 4,9 faizə, işsizlik səviyyəsi 5 faizədək enib. Azərbaycanda 2004-cü ildən indiyədək 73 mindən çox yeni müəssisə fəaliyyətə başlayıb, 1,5 milyondan çox yeni iş yeri açılıb. Bununla yanaşı, İqtisadiyyat Nazirliyinin Sahibkarlığa Kömək Milli Fondu tərəfindən əhalinin həssas qruplarına, xüsusilə qaçqın və məcburi köçkün sahibkarlara güzəştli kreditlər verilir, bu layihələr hesabına yeni iş yerləri yaradılır, ölkənin regionlarında biznes inkubatorlar təşkil olunaraq yeni biznesə başlayanlara zəruri bilik və bacarıqlar öyrədilir. Hazırda mikromaliyyələşmənin uğurlu metodu kimi kredit ittifaqlarının prosesə cəlb olunması, onlar vasitəsilə kiçik biznesin daha asan şəkildə kreditləşməsi həyata keçirilir. Belə ki, son illər ərzində 32 kredit ittifaqı vasitəsilə 5 mindən çox kiçik sahibkara kredit verilməsi təmin olunub.

Azərbaycana səfərinin onda böyük təəssürat yaratdığını qeyd edən professor Məhəmməd Yunus ölkəmizdə aparılan işlərə dəstək verməyə, sosial biznes və mikromaliyyələşmə sahəsində təcrübəsini bölüşməyə hazır olduğunu bildirib. Məhəmməd Yunus təsisçisi olduğu "Qremin Bank"ı, bankın kreditləşdirmə sistemi və qazandığı uğurlar barədə məlumat verib, iqtisadiyyat nazirinə Azərbaycan dilinə yenicə tərcümə olunmuş "Kasıbların bankiri" kitabını təqdim edib.

1news.az

Paylaş:
473

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər