Bakı Metropoliteni yay qrafikinə keçdi

Bakı Metropoliteni 22 iyun tarixindən yay iş qrafikinə keçib.

1news.az-ın qurumun mətbuat xidmətinin rəhbəri Nəsimi Paşayevə istinadən verdiyi məlumata əsasən, yay tətilləri zamanı metroda sərnişinlərin axını azalır.

“Yay qrafikinə müvafiq olaraq biz relslərdə olan qatarların sayını azaldırıq və bununla bağlı hərəkətin intervalı artıq.

Əgər qış qrafiki ilə saatda 30 qatar işləyirdisə, yay qrafikində onların sayı 24-ə endirilir. Beləliklə, “İçəri şəhər”-“Həzi Aslanov” xəttində qatarın gəlmə vaxtı 2,5-3, “Dərnəgül”-“Həzi Aslanov” xəttində isə 5-6 dəqiqəyədək uzanacaq.

Bu qrafik tədris ilinin başlanğıcınadək davam edəcək”- deyə, N.Paşayev əlavə edib.

1news.az