Serj Sarkisyan Azərbaycanın işğal olunmuş ərazilərinə səfər edib

Azərbaycanın işğal olunmuş ərazilərinə gələn Ermənistan prezidenti Serj Sarkisyan orduların təmas xəttinə səfər edib.

1news.az-ın erməni KİV-lərinə istinadən verdiyi məlumata əsasən, bu səfərdə S.Sarkisyanla birgə separatçıların hazırki “lideri” Bako Saakyan və qondarma rejimin “sabiq rəhbəri” Arkadiy Qukasyan da iştirak edib.

Xatırladaq ki, iyunun 20 Sankt-Peterburq şəhərində Rusiya, Azərbaycan və Ermənistan prezidentlərinin Dağlıq Qarbrağ münaqişəsinin həllinə dair üçtərəfli görüşü keçirilib.

Görüşün nəticəsi olaraq, hər 3 ölkənin prezidenti danışıq prosesinə əlavə dinamika qatmaq və cəbhə xəttində ATƏT-in müşahidəçilərinin sayını artırmaq barədə razılığa gəliblər.

1news.az