Türkiyə XİN Roma Papasının Ermənistandakı çıxışlarına etirazını bildirib
Roma Papası Fransisk Ermənistana səfər zamanı qondarma "soyqırımı abidəsi"ni ziyarət etməsi, 1915-ci il hadisələri ilə bağlı açıqlamaları, erməni katolikosu ilə ortaq bəyanatı, 1915-ci il hadisələri ilə bağlı tarixi həqiqətlərə və hüquqa sığmayan erməni iddialarına şərtsiz bağlılığını nümayiş etdirib.
1news.az-ın verdiyi xəbərə görə, bu barədə Türkiyə Xarici İşlər Nazirliyinin (XİN) bəyanatında deyilir:
Bəyatanda deyilir ki, Roma Papası Fransiskin Ermənistana səfərinin Cənubi Qafqazın, xüsusilə belə bir çətin məqamda ehtiyac duyduğu sülhə və təhlükəsizliyə töhfə vermədiyini təəssüflə müşahidə etdik:
“Ermənistandakı bəyanatları ilə Papa Birinci Dünya müharibəsi zamanı yaşanan əzablar və verilən itkilərlə bağlı dini ayrı-seçkiliyi ortaya qoyub.
Halbuki, papalıq kimi ülvi bir vəzifəni icra edən şəxslərin gələcək nəsillərə dostluq və sülhü miras qoyması, hüquqa hörmət etməsi və uzlaşdırıcı mövqe nümayiş etdirməsi gözlənilirdi”.
Mövzu ilə əlaqədar oxuyun:
XİN: Ümidvar olmaq istərdik ki, rəsmi Yerevan Roma Papasının sülh çağırışından nəticə çıxaracaq
1news.az
