Ukraynada elmə məlum olmayan yırtıcı öldürülüb

Ukraynanın Çernovitsk vilayətində yerləşən Rukşin kəndində qəribə hadisə baş verib.

1news.az-ın xarici KİV-lərə isitnadən verdiyi məlumata əsasən, İvan adlı yerli sakin öz həyətində elmə məlum olmayan heyvan aşkar edərək onu yaba ilə öldürüb.

Onun dediklərinə görə, heyvan Cənubi Amerikada əfsanələrində adı keçən “çupakabraya” bənzəyir.

İvanın qonşuları heyvanın kənddə cücə və toyuqları apardığını təsdiq edib.

Kəndin baytarları da heyvanın hansı cinsə aid olduğunu müəyyən edə bilmirlər: “Dişləri çox uzundur, itlərdə belə olmur, arxa ayaqları, boynu və qulaqları da uzundur. Qulaqları Afrika tülküsünün qulaqlarına bənzəyir”.

1news.az