Binəli Yıldırım: “Rusiya ilə münaqişədə biz haqlı idik, lakin düşmənçilik əbədi davam edə bilməz”
Türkiyənin maraqları bölgə və qonşu dövlətlərlə münasibətlər ilə sıx bağlıdır.
1news.az-ın Türkiyə KİV-lərinə istinadən verdiyi məlumata görə, bu haqda qardaş ölkənin baş naziri Binəli Yıldırım deyib.
“Biz bütün ölkələrə dost kimi baxırıq və Qara və Aralıq dənizi bölgələri dövlətləri ilə tərəfdaşlığımızı maksimal sürətdə dərinləşdirməyə, problemləri minimuma endirməyə çalışacayıq”, - deyə, B.Yıldırım qeyd edib.
Bu məcrada baş nazir İsraillə münasibətlərin normallaşması prosesini misal çəkib.
“İsrarlı danışıqlar nəticəsində biz razılığa gələ bildik. Anlaşmanın bəhrəsini artıq bu bayram günərində ilk növbədə Qəza sektorunun sakinləri hiss etdilər. Rusiya ilə münasibətlərlə bağlı eyni şeyi demək olar. Biz münaqişədə haqlı idik, lakin düşmənçilik əbədi davam edə bilməz. Türkiyənin İraq, Suriya, Misir və bölgənin digər ölkələri ilə münasibətlərinin pisləşməsi üçün heç bir səbəb yoxdur, əksinə tərəfdaşlığın inkişafı üçün bəhanə kifayət qədərdir. Zamanla biz bu məqsədlərə nail olacayıq”, - deyə B.Yıldırım qeyd edib.
1news.az
