Zərdab rayonunun daha bir kəndinə təbii qaz verilib

İyulun 13-də Zərdab rayonunun Məlikumudlu kəndinə ilk dəfə təbii qazın verilməsi münasibəti ilə tədbir keçirilib.

1news.az-ın məlumatına görə, tədbirdə rayon icra hakimiyyətinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər.

Bildirilib ki, 249 abonenti olan kəndin qazlaşdırılması məqsədi ilə birpilləli sistem əsasında 20834 metr uzunluğunda müxtəlif diametrli polietilen və metal borularla qaz xətləri çəkilib, abonentlərin mənzillərinə sayğac və fərdi tənzimləyici quraşdırılıb.

1news.az