Türkiyə Parlamenti yekdilliklə hərbçilər tərəfindən dövlət çevrilişi cəhdini pisləyib
İyulun 16-sı Türkiyə parlamentinin föqəladə toplantısı keçirilib.
1news.az-ın verdiyi məlumata əsasən, toplantıda daha əvvəl dövlət çevrilişinə qarşı eyni mövqedən çıxış etmiş AKP, CHP, HDP və MHP partiyalarının təmsilçiləri iştirak edir.
Toplantı çərçivəsində Türkiyə Parlamentinin spikeri İsmayıl Kahramanın, baş nazir Binəli Yıldırımın, Kemal Kılıçdaroğlunun (CHP-nin sədri), Dövlət Baxçalının (MHP-nin sədri) və İdris Balukenin (HDP) çıxışları baş tutub.
Sonra isə spiker hər 4 partiyanın birgə bəyanatını oxuyub.
Öz bəyanatında partiyalar Türkiyədə müəyyən hərbi güclər tərəfindən həyata keçirilən dövlət çevrilişi cəhdini qəti şəkildə pisləyiblər.
Həmçinin partiyalar, ölkədə demokratik ənənələrini qoruyan vacib təsisat olan, Parlament binasına bomba zərbələrinin endirilməsini pisləyiblər.
Bəyanatda, tankların və hərbçilərin qarşı çıxaraq dövlət çevrilişinə qarşı öz mövqeyini bildirən xalqın rolu xüsusi ilə qeyd olunur.
“Biz hamıya təşəkkür edirik və ötən gün canlarından keçən heç kimi yaddan çıxarmayacayıq”, - bəyanatda deyilir.
Partiyalar, 15 iyul tarixində - belə mürəkkəb bir zamanda toplaşaraq bombalar qarşısında toplantı
“Hamı bilməlidir ki, gələcəkdə də bizim xalq demokratiyaya əl uzatmağa imkan verməyəcək. Parlament xalqın idarəetmə hüququnu dəstəkləyəcək və qəti şəkildə bütün çevrilişlərə qarşı çıxış edəcək.
Öz növbəsində partiyaların birgə mövqeyi xalqın birliyini möhkəmləndirəcək”, - deyə bəyanatda vurğulanır.
Deputatlar həmçinin günahkarların ən sərt şəkildə cəza çəkmələrini tələb ediblər.
“Müxtəlif siyasi baxışlara və mövqelərə baxmayaraq, 4 opartiya birgə mövqedən çıxış edərək demokratiyanı dəstəklədilər. Biz xalqın gücünə əl uzatmaq istəyən bütün cəhdləri qətiyətlə pisiləyir və bizə dost olan ölkələrə göstərdikləri dəstəyə görə təşəkkür edirik”, - bəyanatda qeyd edilir.
1news.az
