Xəzər Universiteti neft və qaz sahəsində elmi-tədqiqat layihəsinə başlayıb

Xəzər Universiteti neft və qaz mühəndisliyi departamentinin “EİLİNK” Elmi-Tədqiqat və İnkişaf Mərkəzi BP şirkətinin sifarişi əsasında elmi-tədqiqat layihəsinə başlayıb.

Universitetdən AZƏRTAC-a bildirilib ki, layihə çərçivəsində “Azəri-Çıraq-Günəşli” neft yataqlarının Abşeron rayonunun Yasamal dərəsi, Şubanı, Şabandağ, Atəşgah, Lökbatan, Puta-Quşxana, Şonqar və Korgöz-Qızıltəpə sahələrinin tədqiqat işləri nəticəsində araşdırma aparılacaq.

Layihə BP-Azərbaycan, Gürcüstan və Türkiyə regional şirkəti tərəfindən rəsmi olaraq təsdiqlənib.

Xəzər Universiteti və “Azərbaycan Neft Mühəndisləri” İctimai Birliyinin birgə əməkdaşlığı çərçivəsində həyata keçirilən layihənin doqquz ay müddətində yerinə yetirilməsi nəzərdə tutulub.