Bakıda avtobusdan yıxılan qadın öldü

Bakıda avtobusdan yıxılaraq xəsarət alan qadın dünyasını dəyişib.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, iyulun 20-də Suraxanı qəsəbəsində Bakı şəhər sakini Sevil Şükürova Murtuza Qəhrəmanovun 104 saylı xətt üzrə idarə etdiyi “İsuzu” markalı avtobusdan yıxılıb.

Xəstəxanaya yerləşdirilmiş S.Şükürova iyulun 28-də orada dünyasını dəyişib.

Faktla bağlı araşdırmalar rayon prokurorluğu tərəfindən aparılır.

1news.az