Unibank “Cashback” xidmətini genişləndirdi
Unibank “Cashback” xidmətini əmək haqqı, ALBALI PLUS kredit və ALBALI PLUS debet kartlarına da şamil edib.
İndi Unibank-ın bütün əmək haqqı kartları və eləcə də ALBALI PLUS kredit və ALBALI PLUS debet kartlarında “Cashback” xidməti var. Unibank kartları ilə partnyor və qeyri-partnyor mağazalarda alış-verişlər zamanı xərclənən vəsaitin 20%-dək hissəsi 3 gün ərzində kartınıza geri qayıdacaq. Beləliklə, siz həm Unibank-ın partnyor mağazalarında olan endirimlərdən faydalanacaqsınız, həm də xərclədiyiniz pulun bir hissəsini bank yenidən hesabınıza hədiyyə edəcək.
Əgər hələ də Unibank kartına sahib deyilsinizsə, bankın istənilən filialından və eləcə də onlayn formada sifarişlə ALBALI PLUS (http://debet.albali.az/) və digər debet kartları ala bilərsiniz.
Unibank hazırda paytaxt və bölgələri əhatə edən geniş filial şəbəkəsi ilə ölkə vətəndaşlarının xidmətindədir. Müştərilərin rahatlığı naminə Unibank-ın filialları, həftənin 5 günü nahar fasiləsi olmadan səhər saat 09:00-dan axşam 17:00-dək fəaliyyət göstərir.
Ətraflı məlumatı (012) 117 nömrəli telefondan, Bankın saytından (www.unibank.az ) və yaxud facebook və twitter səhifələrindən (www.facebook.com/unibank.az, https://twitter.com/unibank) əldə etmək olar.
Unibank-hər kəsin bankı!
Unibank haqqında
Azərbaycanın iki aparıcı özəl bankı – “MBANK” (1992) və “PROMTEXBANK”-ın (1994) 2002-ci ildə birləşməsi nəticəsində fəaliyyətə başlayan Unibank, ölkədə ən iri maliyyə təsisatlarından biridir. Öz maliyyə göstəricilərinə görə, bank ölkə bank sektorunun liderləri siyahısına daxildir. Bank müxtəlif mülkiyyət formasına və fəaliyyət istiqamətlərinə aid olan 800 minə yaxın korporativ və fərdi müştərilərə xidmət göstərir.
Dünyanın nüfuzlu maliyyə qurumlarından olan Avropa Yenidənqurma və İnkişaf Bankı (15,15% pay) və “DEG” Almaniya İnvestisiya Şirkəti (8,33% pay) Unibank-ın səhmdarları sırasındadır. Unibank tərəfindən iki törəmə müəssisə – “Unileasing” lizinq şirkəti və “Unicapital” İnvestisiya Şirkəti təsis edilib.
Bankın paytaxtda və regionlarda geniş xidmət şəbəkəsi mövcuddur. Bank 24 illik fəaliyyəti dövründə uğurlu kommersiya fəaliyyəti və sosial layihələrdə iştirakına görə bir çox beynəlxalq və yerli təşkilatlar tərəfindən çoxsaylı mükafatlara layiq görülüb.
