Heydər Mirzə: “Ya Sarqsyan “İsgəndər” OTRK-nın xüsusiyyətləri ilə tanış deyil, ya da növbəti dəfə yalan danışır”
Mütəxəssis Heydər Mirzə “erməni İsgəndər-ləri” haqda.
“Şəxsən məndə belə təəsürat yaranıb ki, Yerevanda son paradda “İsgəndər” operativ-taktiki raket kompleksinin (OTRK) nümayiş etdirilməsi Ermənistandan çox Azərbaycanda müzakirələrə səbəb olub”, - deyə H.Mirzə “İstiqlal” saytında yerləşən köşəsində yazıb.
“Bunu ajiotaj adlandırmazdım. Lakin, digər tərəfdən fəal müzakirələr, güc balansını Ermənistan tərəfə çevirmək iqtidarında olmasa belə, nəzəri cəhətdən Azərbaycanın müdafiə imkanlarına ciddi təhlükə yarada biləcək silahdan gedir. Yəqin ki, oxucular “İstiqlal” saytının son anadək bu mövzuya toxunmadığını görürlər. Bunun öz səbəbi var. Səbəb isə yaxın günlərdə Bakıda start götürəcək “ADEX-2016” silah sərgisini başlamasını gözləməkdir.
Əminəm ki, sərgi nəticəsində müəyyən razılşamaalar olacaq, və istisna deyil ki, bunlardan bir qismi Rusiyanın Ermənistana “İsgəndər” OTRK-nı ötürməsinə cavab olacaq. Ermənistandan fərqli olaraq, Azərbaycanın Hərbi-Sənaye Kompleksinin xarici əlaqələri daha geniş və müxtəlifdir”, - deyə mütəxəssis qeyd edib.
Lakin, H.Mirzənin fikrinə əsasən, hal-hazırda artıq bir-neçə məqam aydındır.
“Birincisi.
“Biz, qısa müddətdə Azərbaycanın hər-hansısa çiçəklənən şəhərini Ağdam kimi viran qoya biləcək, fəaliyyət dairəsi 300 kilometri aşan ballistik raketlərə malikik”, - bu Sarsyanın bu yaxınlarda etdiyi bəyanatdır.
Lakin bu tip OTRK-nın bir diviziyonu (Ermənistanda bu silahdan məhz bu qədər var) belə Ağdam miqyasında şəhəri dağıda bilməz. Bilirsiniz Sarqsyanın 800 hektara çevrilən “200-300 metr” sözlərindən sonra mən bu şəxsin bəyanatlarına şərh verməmək sözü vermişdim. Lakin, təəsüf ki, şərh etməliyəm. Bircə bunu deyəcəm - Ya Sarqsyan “İsgəndər” OTRK-nın xüsusiyyətləri ilə tanış deyil, ya da növbəti dəfə yalan danışır.
Bir variant da var ki, o Ağdamın miqyası ilə tanış deyil. Mənim sözlərimi yoxlayın, şəhərin göstəricilərini internetdən əldə edin, bu ballistik raketlərin taktiki-texniki xüsusiyyətlərini nəzərdən keçirin.
İkincisi
Azərbaycanın cavabı mövzusu. Yuxarıda artıq qeyd etdim ki, “ADEX-2016”-nın bitməsini gözləmək daha yaxşı olardı. Rusiyadan daha çox miqdarda həmin “İsgəndər” OTRK-larının alınması variantıda var. Müəyyən mənada, bir neçə gün əvvəl Azərbaycanın öz “Zərbə” PUA-larının yığması haqda məlumatı cavab hesab etmək olar. Lakin bu assimetrik cavabdır, hər bir halda Azərbaycanın raket-artileriya qüvvələrinin düşmənlə müqayisədə qat-qat üstün olduğu hələ də qüvvədədir. Xüsusən də uzaqmənzilli Yaylım Atəşi Raket Sistemlər (YARS) sahəsində.
Üçüncüsü.
Azərbaycanın hələ vaxtı var. Tələsməyə dəyməz. Zaman həmişə daha yaxşı alternativ təqdim edir. “İsgəndər” OTRK-sı isə Ermənistanın Azərbaycana, xüsusi ilə də dinc şəhərlərə qarşı istfadə edə biləcəyi silah deyil. Böyük ehtimalla bu silahlaların kredit əsnasında verilməsi Rusiyanın Ermənistanda daxili siyasi vəziyyətə təsir etmək cəhdidir. Apreldə erməniləri biabır edən hadisələr az qalmış idi ki Sarqsyanı devirə. Və burada məqsəd Solub-bitən hadisələrdən sonra Sarqsyana xalqı qarşısında lovğalanmaq üçün bir şey vermək idi. Buna görə də Ermənistana bu sistemləri verdilər”, - deyə H.Mirzə vurğulayıb.
Mövzu ilə əlaqədar oxuyun:
“İsgəndər” müəmması: Rusiyanın Ermənistanı silahlandırması nəyə xidmət edir? – FOTO
1news.az
