Müdafiə naziri Rusiya Federasiyası Hava Kosmik Qüvvələr komandanı ilə görüşüb

Sentyabrın 27-də müdafiə naziri Zakir Həsənovun "ADEX 2016" İkinci Azərbaycan beynəlxalq müdafiə sərgisində iştirak etmək üçün ölkəmizdə səfərdə olan Rusiya Federasiyası Hava Kosmik Qüvvələr komandanı Viktor Bondarevin rəhbərlik etdiyi nümayəndə heyəti ilə görüşü olub.

1news.az-ın məlumatına görə, Bakı Ekspo Mərkəzində keçirilən görüşdə Azərbaycan ilə Rusiya arasında hərbi, hərbi-texniki və hərbi təhsil sahələrində əməkdaşlığın inkişafı perspektivləri və qarşılıqlı maraq doğuran digər məsələlər ətrafında fikir mübadiləsi aparılıb.

1news.az