Türkiyədə yeni teraktlar həyata keçirilib: ölən və yaralananlar var
Türkiyədə bir sıra terror aktları həyata keçirilib, nəticədə 3 insan həlak olub, 10-u yaralanıb.
1news.az-ın Türkiyə KİV-lərinə istinadən veridiyi məlumatına əsasən, Mardin əyalətində Mazıdağı bölgəsində hərbi avtomobil partladılıb, nəticədə 3 hərbçi şəhid olub, yaralılar da var.
Bundan əlavə, PKK terrorçuları tərəfindən həyata keçirilən partlayışlar nəticəsində, 4 hərbçi Hakkari əyalətinin Şemdinli bölgəsində, 8-i isə Van əyalətinin Başkale bölgəsində yaralanıb.
Həmçinin Diyarbakır əyalətinin Kulp bölgəsində jandarmeriya qüvvələri və terrorçular arasında silahlı toqquşma baş verib.
Daha bir hərbçi Adiyaman əyalətində PKK terrorçuları ilə qarşıdurmada yaralanıb.
Səhər isə terrorçular Diyarbakır əyalətinin Kulp bölgəsində jandarmeriyaya hücum edib.
Qarşıdurmada yaralanan hərbçilər xəstəxanaya qaldırılıblar.
Qeyd edilən bölgələrdə hal-hazırda anti-terror əməliyyatları keçirilir.
1news.az
