Jirinovski: Səfirimiz Rusiya-Türkiyə münasibətlərinin pozulması üçün öldürülüb
Ankaradakı faciə Türkiyənin Suriyanın yanında olduğu üçün baş verib. Bu haqda Liberal-Demokrat Partiyasının lideri Vladimir Jirinovski Türkiyədə Rusiyanın səfiri Andrey Karlovun öldürülməsilə bağlı xəbəri şərh edərkən bildirib.
“Ölkədə qaçqınlar çoxdur, 15 iyulda hərbi çevrilişə cəhd baş verib, hadisələrdən cəmi beş ay ötüb. Burada çox diqqətli olmaq lazımdır. Xarici işlər nazirimizin yerinə bütün səfirlərimizə rəsmi tədbirlərdə iştirak etməməyi tövsiyə edərdim. Əgər səfir hansısa tədbirdə iştirak edərsə, o zaman öz mühafizə xidmətimiz olmalıdır”.
V.Jirinovski hesab edir ki, Türkiyə üzr istəyəcək:
“Belə ki, səfirin öldürülməsi fövqəladə hadisədir. Bütün bunlar münasibətlərimizin pozulması üçün törədilib. Səfirin öldürülməsindən daha ciddi hadisə yoxdur. Bütün bunlar təxribatdır”.
Partiya liderinin fikrincə, Türkiyə təcili olaraq araşdırma aparmalıdır:
“Bu terror hadisəsi ilə iyulda baş vermiş çevrilişin əlaqəsi olub-olmadığı araşdırılmaldır. Belə ki, bu hadisə qisas olaraq qiymətləndirilməlidir. Əgər onlarda bizim Ərdoğanı xilas etməyimzlə bağlı məlumatlar varsa, ola bilsin bu hadisə qisasdır. Yəni siz Türkiyə prezidentini xilas edirsiniz, biz isə səfirlərinizi öldürürük”.
Jirinovski həmçinin Qriboyedovun ölüdürlməsi hadisi ilə bunun analoji olması sualını da cavablandırıb:
“O zaman İran təzminat ödəmişdi. İndi isə türklər nə edə bilər? Onlar artıq hücum edən terrorçunu məhv ediblər. Onlar bunu hansı təşkilatın etdiyini, Türkiyədə araşdırmalar apara bilər, istinataq keçirə, bir neçə min insanı həbs edə bilər”.
Türkiyədə FETÖ ilə əlaqədar 37 min nəfər həbs edilib. Türkiyə bundan sonra da ölkə üzrə tədbirləri daha da gücləndirəcək. Rusyiya səfirliyinə xüsusi mühafizəçilər təqdim edilməlidir. Lakin Türkiyə, Suriya, Yaxın Şərq – hamısı təhlükəli zonadır. İordaniyada da qarışıqlıqlar yaranıb. Bütün müsəlman aləmi qandadır. Avropada da ara qarışıb”.
Mövzu ilə əlaqədar oxuyun:
Rusiyanın Türkiyədəki səfiri sui-qəsd nəticəsində öldü - RƏSMİ - FOTO - VİDEO
Səfiri güllələyən şəxs öldürüldü - YENİLƏNİR - FOTO - VİDEO
Səfiri öldürənin kimliyi məlum oldu - FOTO
Azərbaycan XİN Rusiyanın Türkiyədəki səfirinin öldürülməsini kəskin şəkildə pisləyir
Binəli Yıldırım: Alçaq terror aktının təşkilatçıları aşkar edilərək cəzalandırılacaq
Medvedev: Rusiya səfirin öldürülməsini cəzasız buraxmayacaq
1news.az
