InvestAZ-dan dünya maliyyə bazarları ilə bağlı həftəlik analiz

InvestAZ investisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

EUR/USD məzənnəsi 2016-ci ilin 2-ci yarım ili ərzində 11% ucuzlaşsa da, Avrozonanın 2016-cı ilin yekun iqtisadi göstəricilərinin yaxşı açıqlanması fonunda son günlər qismən bahalaşdığının şahidi oluruq. Lakin 1.06$ ətrafında ticarət olunan məzənnənin bahalaşması müvəqqəti qiymətləndirilir və yenidən 1.03 və 1.01$-a kimi ucuzlaşa bilər. Dünya maliyyə bazarlarında FED-in bu il faiz artıracağı gözləntiləri dollara olan tələbatı daha da artıra bilər.

GBP

Funt/Dollar cütlüyünün qiyməti keçən həftə ərzində neft qiymətlərinin bahalaşması fonunda 1.2431$-a kimi bahalaşsa da, cümə günü yenidən 1.2260$-a kimi ucuzlaşıb. Beləliklə, məzənnə 1.2230$-ın altında qalarsa, 1.2105$-a kimi də ucuzlaşa bilər.

TRY

Dollar/Lirə cütlüyü 3.65TL-ə kimi bahalaşmaqla, tarixi rekord səviyyəsini yeniləməkdə 2017-ci ildə də davam edib. Türkiyədə siyasi hadisələrin yenidən gərginləşməsi və dolların daha da dəyər qazanması, USD/TRY məzənnəsinə də təzyiq edir və əlavə olaraq 3.71TL-ə kimi də bahalaşa biləcəyi proqnozlaşdırılır.

OIL

Enerji bazarlarında Avropanın Brent markalı neftin qiyməti keçən həftə ərzində 57$ ətrafında ticarət olunub. Dünya birjalarında dolların möhkəmlənməsi neft qiymətlərinin bahalaşmasına qarşı müqavimət göstərsə də, bu, müvəqqəti qiymətləndirilir və Brent markalı neftin bir barel qiyməti əlavə olaraq 59$-a kimi də bahalaşa bilər. Eyni zamanda, artıq bəzi OPEC dövlətləri neft hasilatının azaldılmazı razılaşmasını həyata keçirməyə başlayıblar.

GOLD

Əlvan metallar bazarlarında isə qızılın bir unsiya üzrə qiyməti keçən həftə ərzində 1185$-a (38.0 $/qram) kimi bahalaşdıqdan sonra ucuzlaşmağa başlayıb. Cümə günü 1173$-a (37.6 $/qram) ticarət olunan qızılın qiyməti gələcək günlər ərzində 1160$ (37.2 $/qram) və 1146$-a (36.7 $/qram)kimi də dəyər itirə bilər.

“İnvest-AZ İnvestisiya Şirkəti” QSC-nin Analitika Departamenti

 “İnvest-AZ İnvestisiya Şirkəti” QSC Azərbaycan Respublikasının İqtisadiyyat və Sənaye Nazirliyinin 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

Reklam hüququnda